KESHA LA ASUBUHI LEO 17/03/2022

*ALHAMISI, MACHI 17, 2022* 

 *RIDHIKA NA KAZI SAHILI* 

" _Basi kwa kuwa tuna karama zilizo mbalimbali, kwa kadiri ya neema mliyopewa; ikiwa unabii, tutoe unabii kwa kadiri ya imani_ ." Warumi 12:6. 

▶️ Wote wanaume na wanawake wanaweza kufanikisha kazi njema kwa Mungu, ikiwa watajifunza kwanza somo la thamani, la umuhimu wote la unyenyekevu katika shule ya Kristo. Wataweza kunufaisha ubinadamu kwa kuwasilisha kwao ukamilifu wote wa Yesu. Wakati waumini wote wa kanisa watakapotambua wajibu wao binafsi, wakifanya kwa unyenyekevu kazi yoyote inayowajia mbele zao, kazi itaendelea kufanikiwa. Mungu ametoa kwa wanadamu wote kazi kulingana na uwezo wao mbalimbali.

▶️ Haitakuwa jukumu rahisi kufanya kazi kwa ajili ya Bwana katika kizazi hiki. Lakini je, ni mashaka kiasi gani yangeondolewa, ikiwa watenda kazi wangeendelea kumtegemea Mungu, na kwa halali kuzingatia miongozo ambayo Mungu alitoa. Yeye anasema, "Basi kwa kuwa tuna karama zilizo mbalimbali, kwa kadiri ya neema mliyopewa; ikiwa unabii, tutoe unabii kwa kadiri ya imani; ikiwa huduma, tuwemo katika huduma yetu; mwenye kufundisha, katika kufundisha kwake; mwenye kuonya, katika kuonya kwake; mwenye kukirimu, kwa moyo mweupe; mwenye kusimamia kwa bidii, mwenye kurehemu, kwa furaha" (Warumi 12:6-8).

🔘 Hili ni somo linalohitaji utafiti wa karibu, muhimu. Makosa mengi yanafanywa kwa sababu watu hawafuati agizo hili. Wale ambao wamekabidhiwa kazi ya unyenyekevu katika kitengo fulani kufanya kwa ajili ya Bwana punde hawatatosheka, na kudhani kuwa wangekuwa walimu na viongozi. Wanataka kuacha utumishi wao wa unyenyekevu, ambayo ni muhimu sawa mahali pake kama majukumu makubwa. Wale ambao wamepangwa kutembelea punde wanaanza kufikiri kuwa mtu yeyote anaweza kuifanya kazi hiyo, kwamba mtu yeyote anaweza kuongea maneno ya huruma na kutia moyo, na kuwaongoza wengine kwa unyenyekevu, njia tulivu ya ufahamu sahihi wa Maandiko. Lakini ni kazi ambayo inahitaji neema nyingi, uvumilivu mwingi, na akiba inayozidi kuongezeka ya hekima.