Amka na Bwana Leo 04/07/2022

*USHUPAVU WA DINI NA KELELE SIO USHAHIDI WA IMANI.*

*Namshukuru Mungu ya kuwa nanena kwa lugha zaidi ya ninyi nyote; lakini katika kanisa napenda kunena maneno matano kwa akili zangu, nipate kuwafundisha wengine, zaidi ya kunena maneno kumi elfu kwa lugha. 1 Wakorintho 14:18, 19.*

⏯ Hitilafu lazima kwanza ing'olewe, ndipo udongo utayarishwe kwa ajili ya mbegu nzuri kuchipua na kuzaa matunda kwa ajili ya utukufu wa Mungu.

⏯ Suluhisho pekee... ni kupitia nidhamu kamili na mpangilio. Roho ya ushupavu imetawala tabaka fulani la watunza Sabato ...; wamekunywa lakini kidogo tu kwenye chemchemi ya ukweli na hawajaifahamu roho ya ujumbe wa malaika wa tatu. Hakuna kinachoweza kufanyika kwa tabaka hili hadi pale maoni ya ushupavu wao yatakaporekebishwa. Baadhi ambao walikuwepo kwenye vuguvugu la mwaka 1854 wamekuja na maoni potofu, kama vile kutofufuliwa kwa waovu, na enzi ya wakati ujao, na wanatafuta kuunganisha mitazamo hii na uzoefu wao wa zamani na ujumbe wa malaika wa tatu. Hawawezi kufanya hivi; hakuna mapatano kati ya Kristo na Belial.

⏯ Kutofufuliwa kwa waovu na mitazamo yao pekee ya enzi ya wakati ujao ni makosa makubwa ambayo Shetani ametengeneza miongoni mwa uzushi wa siku za mwisho ili kutimiza kusudi lake mwenyewe la kuharibu roho. Makosa haya hayawezi kupatana na ujumbe wenye asili ya mbinguni.

⏯ Baadhi ya watu hawa wanadhihirisha kile wanachokiita karama na kudai kuwa Bwana ameziweka ndani ya kanisa. Wanazungumza lugha isiyo na maana ambayo wanaiita lugha isiyojulikana, ambayo haijulikani sio tu na wanadamu lakini na Bwana na mbingu yote. Karama hizo zinazalishwa na wanaume na wanawake, wakisaidiwa na mdanganyifu mkuu. Ushupavu wa dini, msisimko wa uongo, kunena kwa lugha za uongo, na kupiga kelele vimedhaniwa kuwa karama ambazo Mungu ameweka kanisani. Baadhi wamedanganywa hapa. Matokeo ya haya yote hayajawahi kuwa mazuri. "Mtawatambua kwa matunda yao."

✍️ *Ushupavu wa dini na kupayukapayuka vimedhaniwa kuwa udhihirisho pekee wa imani. Wengine hawaridhiki na mkutano isipokuwa wana wakati wa udhihirisho wa nguvu na furaha. Wanalifanyia hili kazi na kuamsha msisimko wa hisia. Lakini athari za mikutano hiyo hazina manufaa. Wakati furaha ya msisimko wa hisia yao unapoondoka, hunyong'onyea kabisa kuliko hapo kwanza kabla ya ibada kwa sababu furaha yao haikutoka kwa chanzo sahihi. Mikutano yenye faida kubwa zaidi kwa ajili ya maendeleo ya kiroho ni ile ambayo ina sifa ya ibada na uchunguzi wa kina wa moyo; kila mmoja akitafuta kujijua yeye mwenyewe, na kwa bidii na kwa unyenyekevu wa kina, akitafuta kumjifunza Kristo.*

*MWENYEZI MUNGU AKUBARIKI SANA.*

🙏🙏🙏🙏