AMKA NA BWANA LEO 15/10/2021

*KESHA LA ASUBUHI.*

*AGIZO LA KIUNGU.*

*Yesu akaja kwao, akasema nao, akawaambia, Nimepewa mamlaka yote mbinguni na duniani. Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana na Roho Mtakatifu. Mathayo 28:18,19.*

▶️Ni Kristo, na Kristo pekee, aliyepewa haki ya mamlaka juu ya viumbe vyote. Wale wote wanaomwamini, na kulishika sana tumaini imara la ungamo lao hadi mwisho, watalindwa. Kama wanafunzi wa Kristo, na watenda kazi pamoja naye, lazima tuwe na utendaji wa pamoja kwa watendakazi wote. Wengine wamebadilishwa katika kweli kwa njia moja, wengine wanafikiwa kwa njia nyingine tofauti kabisa. Kwa hiyo, watendakazi watatenda kazi, wengine katika mstari mmoja na wengine kwa mwingine, lakini wote watafanya kazi moja kwa umoja. Kila mtu amepewa kazi yake.

▶️Wale ambao huwakosoa watenda kazi wenzao hufungua mlango ambao adui atautumia kuingia. Kitu gani kinaweza kuhuzunisha zaidi kuliko kuona ndugu akifanya kazi kinyume na ndugu, huku akiendeleza tuhuma na mashaka juu ya uaminifu wa mwingine? Kuna nafasi ya kutosha kwa wote kuweza kutumia talanta zao walizopewa na Mungu. Wote wanafanya kazi kwa mpango mmoja tu wa kuhimiza imani kwa maneno ya kutia moyo. Hebu kila mmoja apangilie hotuba yake vizuri na kufanya kazi ili aweze kuwa na uwiano na wale wanaofanya kazi hadi mwisho sawa na yeye mwenyewe....

▶️ Hebu wale ambao wameaminiwa kwa kazi ya kufundisha Neno la Mungu wahakikishe kwamba wako chini ya uongozi wake Yeye aliyetangaza, "Nimepewa mamlaka yote mbinguni na duniani" (Mathayo 28:18). Utume wake kwa wanafunzi wake ni pamoja na maneno, "Na kuwafundisha kuyashika yote niliyowaamuru ninyi" (Aya ya 20). Hakuna mtu ambaye amepewa mamlaka kufanya akili yake mwenyewe kuwa kiwango ambacho anaweza kuwalazimisha wengine kufuata....

▶️ Injili tukufu, ujumbe wa Mungu wa Upendo unaookoa, lazima uwasilishwe kwa watu, na upendo huu unafunuliwa katika mioyo ya watenda kazi. Mada ya Neema iokoayo ni dawa kwa roho Upendo wa Kristo moyoni utaonyeshwa katika kufanya kazi kwa bidii kwa ajili ya wokovu wa wenye dhambi.... ya ukali.

▶️ *Hebu injili iwasilishwe kama neno la Mungu kwa uzima na wokovu.... Injili itatukuzwa kwa kufunuliwa kwa roho ifanyayo kwa upendo. "Jinsi ilivyo mizuri juu ya milima miguu yake aletaye habari njema, Yeye aitangazaye Amani" (Isaya 52:7)*

*MUNGU ATUBARIKI SOTE.*