AMKA NA BWANA LEO 27

*KESHA LA ASUBUHI.*

Jumanne, 27/07/2021.

*WATU WADOGO-MASOMO MAKUBWA.*

*Je! Theluji ya Lebanoni itakoma katika jabali la kondeni? Au je! Maji ya baridi yashukayo toka mbali yatakauka? Yeremia 18:14.*

▶️Hatutaki kunywa maji ya vijito vya bondeni vyenye matope. Hatutaki madanganyo mapotovu ya makafiri. Kwa sababu wengi wako tayari sana kusalimu amri kwa mashaka na kuhoji, makafiri hufanywa kuwa shupavu. Mungu atusaidie tupate kunywa maji ya mito safi ambayo hutiririka kutoka katika kiti cha enzi cha Mungu. Tunaweza kunywa, na kuendelea kunywa. Na, ikiwa una kiu ya maarifa, hapa yapo kwa wingi....

▶️Wengi wanajiona kuwa ni wenye busara nzuri sana katika kuelewa hisia za moyoni za waandishi makafiri, lakini watajikuta kuwa wanajenga juu ya msingi wa mchanga. Hawajengi juu ya Mwamba imara. Dhoruba ya mateso, dhoruba ya jaribio inakuja, na kuondoa msingi huo, na hawana chochote cha kusimama juu yake. Tunachohitaji ni kukaza roho zetu katika Mwamba wa Milele.

▶️Ndugu [Alfred S.] Hutchins wakati fulani alikuwa akiendesha gari Vermont na alikuatana na mwanasheria. "Sawa" alisema mwanasheria, "Ninaelewa kuwa wewe ni Mwadventista wa Sabato." "Ndio." "Sawa" alisema , "ninyi si chochote ila ni watu wadogo." "Ndio, tunalijua hilo," alisema Ndugu Hutchins, "lakini tunashughukia mada zenye nguvu ndipo tunapojaribu kufikisha ukweli mbele za watu". Hiki ndicho tunachokitaka—mada zenye nguvu ambazo zitawafanya watu wawe na hekima hadi kuufikia wokovu.

▶️Mara tu mnapoanza kujifikiria kuwa ninyi ni watu wakubwa, na kwamba ninyi ni wakubwa sana kiasi kwamba mnaweza kuelewa na kuchagua yale yote yaliyo ya busara kutoka kile ambacho kimeandikwa.... Ibilisi yuko hapohapo kando yako, na malaika waovu wapo hapo. Ibilisi ni mwerevu sana kuliko wewe, na huwezi kukiona kile anachokilenga. Kwa werevu sana atasokota hisia za moyoni mwake na mawazo ya waandishi hawa, kiasi kwamba haitawezekana kutofautisha makosa ambayo yamo ndani yake.

▶️ *Ikiwa unataka kuhesabiwa kuwa mtu mwenye hekima machoni pa Mungu, njoo msalabani Kalvari, upate mvuto unaotoka kwake, na jina lako litaandikwa kama mtu mwenye hekima, aliyejenga nyumba yake juu ya Mwamba.*

*MUNGU ATUBARIKI SOTE.*