amka na Bwana

KESHA LA ASUBUHI

JUMATATU, AGOSTI 3, 2020

*FANYA KAZI KWA BIDII KWA AJILI YA MUNGU* 

 *Lolote mfanyalo, lifanyeni kwa moyo, kama kwa Bwana, wala Si kwa wanadamu.* 

Wakolosai 3:23

📚 Kuna kazi kubwa inayopaswa kufanywa katika ulimwengu wetu. Wanaume na wanawake wanapaswa kuongolewa, sio kwa karama ya kunena kwa lugha au kwa matendo ya miujiza, bali kwa kumhubiri Kristo aliyesulubiwa. Kwa nini kuchelewesha juhudi ya kuifanya dunia kuwa mahali bora? Kwa nini kusubiri hadi kitu fulani cha ajabu kimefanywa, hadi vifaa vya gharama kubwa vimetolewa? Katika yote tuyatendayo, kama kazi yetu iko dukani, kwenye shamba, au katika ofisi, tunapaswa kuleta bidii ya kuokoa roho. 

📚 Maisha haya yamejaa fursa nzuri, ambazo unaweza kuziendeleza katika matumizi ya uwezo uliopewa na Mungu kuwabariki wengine, na kwa kufanya hivyo kujibariki wewe mwenyewe, bila kujifikiria katika suala hilo. Hali za kawaida mara nyingi huthibitika kuwa baraka kubwa kwa yule atendaye kwa kanuni na amefanya mazoea ya kutenda lililo jema kwa sababu ni sahihi. 

📚 Jitahidi kuwa na tabia sahihi, na hebu yote uyatendayo, kwamba yanaonekana na kutambuliwa na macho ya kibinadamu au la, yatendwe kwa kusudi moja tu la utukufu wa Mungu, kwa sababu wewe ni wa Mungu naye amekukomboa kwa bei ya uhai wake. 

📚 Uwe mwaminifu katika yaliyo madogo na pia kwa yaliyo makubwa; jifunze kuongea ukweli, kutenda lililo kweli kila wakati. Hebu moyo uwasilishwe kikamilifu kwa Mungu. Kama ukitawaliwa na neema Yake, utafanya matendo madogo madogo ya fadhili, kutenda majukumu yaliyo karibu na wewe, na kuleta uchangamfu wote katika maisha na tabia yako ambao inaweza kuleta, huku ikitawanya zawadi za upendo na baraka katika njia ya maisha. Kazi zako zitakuwa na matokeo mengi hata milele. Kazi iliyokushughulisha katika maisha haya yote itaonekana mbinguni, na huko itaishi, katika zama zisizo na mwisho, kwa sababu imeonekana kuwa ya thamani kubwa machoni pa Mungu. 

 📚 *Kumbuka kwamba chochote kile kinachostahili kutendwa kinastahili kutendwa vyema.*

 *NAWATAKIA TAFAKARI NJEMA BWANA AWABARIKI🙏🙏*