maadui 3 wa imani yetu ktk Kristo

*MAADUI WATATU WA IMANI YETU UNAOPASWA KUWASHINDA ILI UMPENDEZE MUNGU*

Wapo maadui watatu wanaopambana na mtu aliyeamini ili asimpendeze Mungu.

*➡Maadui hawa watatu usipowashinda hauwezi kumpendeza Mungu kamwe na wala hauwezi kutembea na mibaraka ya Mungu maishani mwako*

Maana imeandikwa hivi

*👉Ufunuo 2:7 Yeye aliye na sikio, na alisikie neno hili ambalo Roho ayaambia makanisa. Yeye ashindaye, nitampa kula matunda ya mti wa uzima, ulio katika bustani ya Mungu.*

Kwahiyo ili ule matunda ya mti wa uzima, sharti ni moja 👉USHINDE.

Sasa twende kuwaona maadui watatu wa imani unaopaswa kuwashinda kila iitwapo leo ili uishi katika mapenzi ya Mungu na utembee na mibaraka yako.

*1.MWILI*

Adui wa kwanza unayetakiwa kumshinda ni mwili.

Biblia inasema hivi

*👉1 Wathesalonike 4:4 kila mmoja wenu ajue kuuweza mwili wake katika utakatifu na heshima;*

Biblia inamtaka kila mtu aliyemuamini Yesu AJUE KUUWEZA MWILI WAKE.

➡Kwa maana nyingine ni kuwa *MWILI HAUPASWI KUKUENDESHA WEWE, ISIPOKUWA WEWE NDIYE UNAYEPASWA KUUNDESHA MWILI WAKO*

Ukikubari kuendeshwa na mwili uwe na uhakika hauwezi kuyafanya mapenzi ya Mungu.

➡UKITAWALIWA NA MWILI UTATENDA UOVU TU.

Maana imeandikwa hivi.

*◾Wagalatia 5:19-21*

*19 Basi matendo ya mwili ni dhahiri, ndiyo haya, uasherati, uchafu, ufisadi,*

*20 ibada ya sanamu, uchawi, uadui, ugomvi, wivu, hasira, fitina, faraka, uzushi,*

*21 husuda, ulevi, ulafi, na mambo yanayofanana na hayo, katika hayo nawaambia mapema, kama nilivyokwisha kuwaambia, ya kwamba watu watendao mambo ya jinsi hiyo hawataurithi ufalme wa Mungu.*

Kwahiyo mwili ni adui yako wa kwanza unayepaswa kumshinda ili Umpendeze Mungu.

*◾JINSI YA KUUSHINDA MWILI*

1.Tafuta kuenenda kwa msaada wa nguvu za Roho mtakatifu

Biblia inasema.

*👉Wagalatia 5:16 Basi nasema, Enendeni kwa Roho, wala hamtazitimiza kamwe tamaa za mwili.*

Ukienenda kwa msaada wa nguvu za Roho mtakatifu matokeo yake itakuwa.

*I.Utamzalia Mungu matunda mema*

Maana biblia inasema hivi

*◾Wagalatia 5:22-23*

*22 Lakini tunda la Roho ni upendo, furaha, amani, uvumilivu, utu wema, fadhili, uaminifu,*

*23 upole, kiasi; juu ya mambo kama hayo hakuna sheria.*

II. Mwili wako utakuwa hekalu la Roho mtakatifu.

*👉1 Kor 6:19 Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe;*

Faida ya kuwa hekalu la Roho mtakatifu

*➡Unakuwa Mali ya Mungu inayolindwa mchana na usiku dhidi ya mwovu shetani*

KWAHIYO TAFUTA KUJAZWA NGUVU ZA ROHO MTAKATIFU ILI UUSHINDE MWILI

Jambo lingine la kufanya ili uushinde mwili ni hili lifuatalo.

*2.KUFUNGA NA KUOMBA*

Mtu asiye na mda wa kufunga na kuomba ni rahisi sana kuanguka katika vishawishi mbalimbali vya mwili.

Maana imeandikwa

*👉Mathayo 26:41 Kesheni, mwombe, msije mkaingia majaribuni; roho i radhi, lakini mwili ni dhaifu.*

Ili usiingie katika majaribu ya mwili shariti ni moja tu uombe, usipoomba mwili utakuendesha tu.

*◾Kijana asiyefunga na kuomba ni rahisi kuanguka kwenye tamaa za Mwili*

*◾Mchungaji asiye na mda wa kufunga na kuomba ni rahisi kujaribiwa na mwili wake na kujikuta anafanya mambo ya aibu*

➡Nasema hivi mtu yeyote asiyefunga na kuomba ni ngumu kuzishinda tamaa za mwili kwahiyo ili uushinde mwili jifunze kufunga na kuomba.

*3.Usikae mahali penye vitu vinavyoamsha tamaa za Mwili*

Ili uushinde mwili jifunze pia kujitenga na maeneo yote yanayoweza kuuamsha mwili.

Imeandikwa hivi

*👉Wimbo ulio bora 8:4 Nawasihi, enyi binti za Yerusalemu, Kwani kuyachochea mapenzi, au kuyaamsha, Hata yatakapoona vema?*

Ni hivi unaweza kuziamsha tamaa za mwili kutokana na mazingira uliyopo.

Hivyo ili uushinde mwili jifunze kujitenga na vitu vyenye ushawishi mbaya kama *👉kuangalia picha za ngono, mazungumzo mabaya, mafundisho yanayoshawishi ngono, kusikiliza nyimbo za kidunia, kuvaa nguo za kikahaba n.k* kwa kufanya hivi unaweza kuushinda mwili.

*4.Kuliweka neno moyoni mwako*

Jambo lingne linaloweza kukufanya uushinde mwili ni kuliweka neno moyoni mwako.

Biblia inasema hivi

*👉ZABURI 119:11 Moyoni mwangu nimeliweka neno lako, Nisije nikakutenda dhambi.*

Pia imeandikwa

*👉ZABURI 119:105 Neno lako ni taa ya miguu yangu, Na mwanga wa njia yangu.*

Kwahiyo ili uushinde mwili na tamaa zake hakikisha ndani yako Kuna upanga wa roho ambao ni neno la Kristo.

*➡Ukiushinda mwili ni rahisi kumpendeza Mungu na ni rahisi kutembea na mibaraka ya Mungu*

MWISHO

*👉 2 Timotheo 2:22 Lakini zikimbie tamaa za ujanani; ukafuate haki, na imani, na upendo, na amani, pamoja na wale wamwitao Bwana kwa moyo safi.*

Kwa Leo niishie hapa tutaendelea na ujumbe huu kipindi kijacho.

Mungu awabariki sana🙏

WhatsApp 0657117595

Mwl.Joseph Leonard

Usisahau ku subscribe YouTube channel yetu ya BinagoTv