Askofu apotezea mazishi ya mama yake aliyekuwa na mzozo nae

Askofu John Mweresa wa Kanisa la African Israel Nineveh alikosa kuhudhuria mazishi ya mamaye, Sarafina Lung’atso, 79, kutokana na mzozo wa muda mrefu wa kanisa hilo.

Mazishi hayo yalifanyika katika kijiji cha Jebrok, chini ya ulinzi mkali wa polisi, ili kudhibiti taharuki iliyotanda. Kulikuwa na hofu kwamba huenda ghasia zingetokea.

Bi Lung’atso, ambaye alihudumu kama kiongozi wa kanisa alimtaka Askofu Evans Chadiva kuchukua uongozi wake, badala ya Askofu Mweresa, ambaye ni mwanawe.

Mzozo huo umekuwepo kwa muda mrefu, ambapo upeo wake ulikuwa mnamo 2015, wakati ghasia zilitokea katika makazi ya familia hiyo ambapo viongozi watatu wa kanisa waliuawa.

Katika mzozo huo, gari ndogo aina ya Saloon na pikipiki tatu zinazomilikiwa na Bw Mweresa zilichomwa.

Askofu Mweresa alitaka mamake kuzikwa nje ya ardhi ya familia ambako ndiko makao makuu ya kanisa hilo yapo.

Askofu John Mweresa