MUONGOZO WA KUJIFUNZA BIBLIA KWA WATU WAZIMA LEO 28

*LESONI LEO.*

Jumatano, 28/07/2021.

*" 'KWA MAANA NIRA YANGU NI LAINI' "*

Usomaji wa Biblia: Matendo ya Mitume 2.

Tumeshaona tayari kwamba kutumia “nira” kwa Mathayo katika sehemu hii kunatoa mwangwi wa matumizi ya neno hilo katika dini ya Kiyahudi na katika mafungu mengine ya Agano Jipya yanayozungumzia kuhusu uelewa potofu wa sheria.

Neno la Kiyunani lililotafsiriwa kama “ ‘laini’ ” katika Biblia toleo la NKJV katika Mathayo 11:30 linaweza pia kutafsiriwa kama “nzuri, yenye kupendeza, ya manufaa, na karimu.” Watu wengi wanaotuzuguka wanaichukulia sheria ya Mungu kama kandamizi, ngumu kutekeleza, na, mara nyingine, isiyofaa. Tunawezaje kuwasaidia kugundua uzuri wa sheria na kuchochea upendo kwa Mtoa Sheria?

Wazazi daima hukumbuka wakati mtoto wao alipopiga hatua ya kwanza. Hatua ya kwanza isiyo imara ikifuatiwa na hatua ya pili ya majaribio, kisha ya tatu—na kwa wakati huo ni kana kwamba mtoto atajikwaa na kuanguka. Kunaweza kuwepo machozi na huenda hata michubuko, lakini mtoto anapokuwa amehisi uhuru wa mwendo, atasimama na kujaribu tena. Tembea, anguka, simama, tembea, anguka, simama. Mfuatano hujirudia mara nyingi kabla mtoto hajatembea kwa uthabiti. Na bado, katikati ya kujikwaa na kuanguka, kuna uso mdogo unaotangaza kwa furaha: baba, mama, naweza kutembea!

Kutembea na Yesu siku zote hakuwezi kuwa rahisi, lakini siku zote ni jambo jema na sahihi kufanya. Tunaweza kujikwaa, tunaweza hata kuanguka, lakini, tunaweza kusimama na kuendelea kutembea naye kando yetu.

Katika Wagalatia 5:1, Paulo aliandika: "Katika ungwana huo Kristo alituandika huru; kwa hiyo simameni, wala msinaswe tena chini ya kongwa la utumwa." Hiyo humaanisha nini? Kristo ametuwekaje huru? Kuna tofauti gani kati ya nira anayotuambia tujitie na “kongwa la utumwa” ambalo Paulo anatuonya dhidi yake?

Tunaweza kuwa na hakika kwamba chochote hasa alichomaanisha Paulo kwa “kongwa la utumwa,” hakuwa anazungumzia kuhusu utii kwa sheria ya Mungu, Amri Kumi. Kinyume chake, ni kupitia kwa utii, kwa imani, tunaelewa kwamba wokovu wetu ni thabiti, haujengwi juu ya sheria bali juu ya haki ya Kristo inayotufunika, kwamba tunaweza kupata pumziko la kweli na uhuru.

Kwa nini kuishi maisha ya utii kwa sheria ya Mungu kunaleta kuwa na utulivu kuliko tunapokosa kutii sheria??

Ubarikiwe