BASATA YAPIGA SPANA, SAKATA LA MISS ROSE MANFERE

Baraza la Sanaa la Taifa (BASATA) lisema kwa mujibu wa kifungu cha 15(e) cha Sheria, Sura ya

204, kikisomwa kwa pamoja na kanuni ya 50(i) na (ii) ya kanuni za Baraza za mwaka 2018, Baraza lina mamlaka ya kutoa vibali vya uendeshaji wa shughuli za Sanaa ikiwemo mashindano ya ulimbwende.

Kupitia mamlaka tajwa hapo juu kampuni ya "THE LOOK COMPANY LIMITED“ imepewa kibali cha kuendesha shindano la Miss Tanzania.

katika shindano la Miss Tanzania 2020/2021 Miss Rose Manfere aliibuka mshindi na kuvishwa taji la Miss Tanzania 2020/2021. 

Kwa nafasi hiyo Miss Tanzania Rose Manfere

amebeba taswira na uwakilishi wa Nchi katika mashindano ya Kimataifa ikiwemo Miss World.

Baraza liliwahi kupokea malalamiko toka kampuni ya The Look kuwa kuna ukiukwaji wa Mkataba kati yao na Miss Tanzania Rose Manfere, wakati tunaendelea na taratibu za kuwapatanisha ndipo tukapokea barua toka Kampuni ya The Look" ikituhitaji kuridhia yalioitwa "MAAMUZI YA MWISHO YA THE LOOK COMPANY LIMITED dhidi ya ROSE MANFERE" ambapo walieleza kuwa kamati ya Miss Tanzania imeamua mshindi Na. 2 Miss Juliana Rugumisa ndiye awakilishe kwenye shindano la Miss World badala ya Miss Tanzania

Rose Manfere.

Baraza lilichukua maamuzi ya kuitafuta kamati nzima ya Miss Tanzania pamoja na Rose Manfere ili tusikilize hoja zao zilizopelekea kufanya hayo maamuzi, lakini kamati hiyo haikuweza kutokea.

Sambamba na hayo, Baraza lilipokea barua ya malalamiko toka kwa Miss Tanzania Rose Manfere akieleza kuwa waandaaji wa shindano la Miss Tanzania wameonesha nia ya kutaka kumvua taji na kwamba asiwe mwakilishi wa Nchi katika shindano la urembo la Dunia (Miss World 2021) Kutokana na mwenendo huo, Baraza mnamo tarehe 9/7/2021 liliandika barua kwa

Mkurugenzi wa kampuni ya "The Look" kuhitaji mambo yafuatao:-

1. Kuomba utambulisho wa jina la mtu atakayesimama kwenye nafasi ya Mkurugenzi

Mtendaji wa kampuni badala ya aliyekuwa Mkurugenzi Mtendaji ambaye kwa sasa ana majukumu mazito ya kiserikali yanayopelekea kutompata mara kwa mara pale tunapomhitaji.

2. Kuwasilisha majina ya Wajumbe wa kamati ya Miss Tanzania na kuainisha nafasi zao kila mmoja.

3. Kushiriki kikao cha pamoja kilichopaswa kufanyika leo tarehe 15/07/2021 saa 4:00 asubuhi kuzungumzia ushiriki wa Miss Tanznaia 2020/2021 katika shindano la Miss World 2021.

Kikao hakijafanyika kutokana na ujumbe uliotumwa kupitia barua pepe ya Baraza toka kwa

Kampuni ya 'The Look" wakieleza kuwa hawataweza kushiriki kikao hiki kwa kuwa wana

majukumu mengine akiwemo Mkurugenzi wa "The Look Company Limited" ambaye kwa sasa yupo Mkoani Tanga na kuomba kikao kisogezwe hadi tarehe 23/7/2021.

Kwa maelezo haya; na kwa kuzingatia unyeti wa jambo hili, na kwa kuwa maandalizi ya mshiriki yanatakiwa kuendelea, Baraza linaelekeza yafuatayo:-

1. Baraza halijaridhia na halijakubaliana na maamuzi ya kumuengua Miss Tanzania 2020/2021 kwenye ushiriki wa shindnao la Dunia (Miss World 2021) mpaka pale kamati ya Miss Tanzania itakapotoa sababu za msingi na kuzithibitisha.

2. Baraza linaielekeza kampuni ya "The Look" kuwasilisha jina la Miss Tanzania

2020/2021 (Rose Manfere) katika shindano la urembo la Dunia (Miss World 2021).