AMKA NA BWANA LEO 16

*KESHA LA ASUBUHI.*

Ijumaa, 16/07/2021.

*KULA KWA AJILI YA MAISHA.*

*Mwanangu, sikiliza maneno yangu; Tega sikio lako, uzisikie kauli zangu. Zisiondoke machoni pako; Uzihifadhi ndani ya moyo wako. Maana ni uhai kwa wale wazipatao, Na afya ya mwili wao wote. Mithali 4:20-22.*

▶️Mawazo yasiyo sahihi, yaliyofikiwa kwa sababu ya elimu ya nyumbani yenye makosa, yamerithishwa na watoto kwa watoto, na tabia za kuendekeza zimeendelezwa ambazo zimesababisha afya mbaya kwa maelfu. Vituo vyetu vya tiba vinapaswa kuwa mahali ambapo elimu sahihi inaweza kutolewa kwa wengi juu ya mambo yanayohusu maisha na afya. Tabia za kula zinapaswa kulindwa kwa uangalifu, ili mtu yeyote asije kuwa mgonjwa kwa sababu ya kuendekeza uchu wa chakula. Bwana hafurahii wakati watu Wake, walionunuliwa kwa kafara ya Mwanawe mpendwa, wanajijeruhi wenyewe bila kufikiri kwa mienendo mibaya ya kuishi. Tunapopita katika ulimwengu huu, tunapaswa kujitahidi kuelekeza wote watakaofundishwa jinsi ya kuepuka na jinsi ya kushinda mazoea ya kuendekeza nafsi.

▶️Ikiwa tunamwamini Yesu Kristo, tutajitahidi kuwa wenye akili juu ya jinsi ya kudumisha ubongo kuwa wazi na hai, ili kusiwepo hata chembe ya mvuto wetu itakayopotea. Tunapaswa kujitahidi kuwa wafanyakazi pamoja na Mungu kwa kuuweka mfumo katika hali ambayo utaweza kutoa huduma kamili. Kwa kweli ni sera mbaya, kuvitendea vibaya viungo vya mmeng'enyo, ambao juu yake furaha ya mwili wote inategemea kwa sehemu kubwa. Tumbo linaposumbuliwa, akili inaposumbuliwa, na nguvu ya neva ya ubongo hudhoofika. Kwa hiyo inakuwa ni wajibu wa kidini kwa kila nafsi kujifunza sayansi ya kuishi kiafya, kuzingatia suala la lishe akilini, na kushughulikia jambo hilo kwa uangalifu.

▶️Mtume Paulo anatuagiza kuwa sisi sio mali yetu wenyewe, na kwamba tumenunuliwa kwa thamani. Ikiwa tunampenda kwa kweli Yule aliyetoa uhai wake kwa ajili yetu, tutahisi kuwa chini ya wajibu mzito wa kuepuka magonjwa....

▶️ *Nguvu ya jaribu la kuendekeza uchu mpotovu wa chakula inaweza kupimwa tu na uvumilivu wa Kristo katika mfungo wake mrefu jangwani. Kristo alijua kwamba ili kutekeleza mpango wa wokovu, lazima aanze kazi ya ukombozi pale uharibifu ulipoanzia. Hivyo ndivyo ilivyo pia kwa uzoefu wetu. Tunapaswa kuanza kazi ya matengenezo mahali pale ambapo kazi ya uharibifu wa tabia inaonekana sana.*

*MUNGU ATUBARIKI SOTE.*

🙏🙏🙏🙏