AMKA NA BWANA LEO 22

*KESHA LA ASUBUHI*

Alhamisi, 22/07/2021

*MLANGO ULIO WAZI*

*Lakini yeye aijua njia niendeayo; Akisha kunijaribu, nitatoka kama dhahabu*. 

*Ayubu 23:10*

Mara kwa mara ushahidi bora kabisa ambao tunaweza kuwa nao kuwa tuko katika njia sahihi ni kwamba maendeleo madogo kabisa hutugharimu juhudi na kwamba giza hufunika njia yetu. Imekuwa ni uzoefu wangu kwamba *vimo vya juu zaidi vya imani tunaweza tu kuvifukia kupitia katika giza na mawingu*.

Si salama kwetu kulea mashaka na hofu, kwani hivi hukua kwa kuviangalia na kuzungumza juu yao. Ninajisikia kuinua mkono wangu juu na kuushika mkono wa Kristo kama alivyofanya mwanafunzi yule aliyekuwa anazama kwenye bahari yenye dhoruba. Ninataka kufanya kazi yangu kwa uaminifu kiasi kwamba nitakaposimama mbele ya kiti kikuu cheupe cha enzi nami nikiitwa kujibu juu ya mambo yaliyofanyika katika mwili, ambayo yote yameandikwa kwenye kitabu, ili nipate kuziona roho zinazosimama pale ili kushuhudia kwamba nilizionya, niliwasihi wapate kumtazama Mwana-Kondoo wa Mungu aichukuaye dhambi ya ulimwengu.

 *Je, zitakuwapo roho wakati huo, zilizookolewa kupitia kwa huduma yangu*? Kupitia kwa Kristo, ninapaswa kuweka mbele ya watu mlango ulio wazi. "Tazama, nimekupa mlango uliofunguliwa mbele yako, ambao hapana awezaye kuufunga, kwa kuwa unazo nguvu kidogo, nawe umelitunza neno langu, wala hukulikana jina langu." (Ufunuo 3:8)

 *Jiji la Mungu pamoja na vivutio vyake vyote linasema, "Njoo." Ikiwa tunaweza kwa maisha matakatifu, kwa kusihi, kwa maombi, na maonyo, kumwelekeza mwenye dhambi katika njia ya kuokoka na kukaza mawazo yao kutazama malango ya mbinguni yaliyofunguliwa ili kuwapokea*; ikiwa kwa imani wanaweza kuona kwamba mlango wa kuingia uzimani ni mlango ulio wazi, kila kitu kinapatikana. Vivutio vya kidunia vitafifia, vya mbinguni vitavutia na kuchangamsha roho.

 *Vizuizi vinavyotuzuia kukamilisha tabia ya Kikristo viko ndani yetu sisi wenyewe. Yesu anaweza kuviondoa. Msalaba anaotaka tuubebe utatengeneza nguvu nyingi ndani yetu kuliko unavyotumia, na kuondoa mizigo yetu mizito tupate kuuchukua mzigo wa Kristo, ambao ni mwepesi. Mapambano na majaribio lazima tukutane nayo katika utekelezaji wa wajibu. Kristo ametuita kwa ajili ya utukufu na usafi. Maisha ambayo kupitia mateso yake mwenyewe na kifo ametuandalia  sisi kuyaishi, yangelitugharimu maumivu au huzuni kama kamwe tusingeliyaacha. Kila kujinyima na kila dhabihu tunayofanya katika kumtafuta Kristo ni hatua nyingine za kondoo aliyepotea kurudi kwenye zizi*.

*MUNGU ATUBARIKI TUNAPOTAFAKARI NENO LAKE*