RAIS SAMIA AONGOZA KIKAO LEO

Mwenyekiti wa Chama Cha Mapinduzi na Rais wa Jamhuri ya Muungano wa Tanzania Ndugu. Samia Suluhu Hassan, leo Juni 22, 2021 ameongoza kikao cha Kamati Kuu ya Halmashauri Kuu ya Taifa kilichofanyika katika ukumbi wa Jakaya

Kikwete Convention Centre, Dodoma.

Kamati Kuu ya CCM imempongeza Ndugu Samia Suluhu Hassan Rais wa Jamhuri ya Muungano wa Tanzania na Ndugu Hussein Ali Mwinyi Rais wa Serikali ya Mapinduzi Zanzibar na Mwenyekiti wa Baraza la Mapinduzi kwa kutekeleza Ilani ya Uchaguzi ya CCM 2020/2025 katika nyanja za kijamii, kiuchumi na kisiasa kwa mafanikio 

makubwa.

Kamati Kuu ya CCM imewapongeza Wabunge wa Bunge la Jamhuri ya Muungano wa Tanzania kwa kupitisha Bajeti Kuu ya Serikali kwa Mwaka 2021/2022 kwa 94%.

Kamati Kuu ya CCM imefanya uteuzi wa Ndugu Shekha Mpemba Faki kuwa mgombea Ubunge Jimbo la Konde kwa tiketi ya CCM katika uchaguzi mdogo utakaofanyika Julai 18,2021.

Aidha, Kamati Kuu imefanya uteuzi wa Ndugu Kenan Kihongosi kuwa Katibu Mkuu wa Jumuiya ya Umoja wa Vijana wa CCM (UVCCM) kuanzia Juni 22, 2021.