Katika Ilani ya Gazeti la Mei 13, 2021, Rais Kenyatta alisema: "Katika kutekeleza madaraka aliyopewa na Kifungu cha 166 (1) cha Katiba, mimi, Uhuru Kenyatta, Rais wa Jamhuri ya Kenya na Amiri Jeshi Mkuu wa Vikosi vya Ulinzi, mamteua Ouko William Okello kuwa jaji wa Mahakama Kuu ya Kenya. ”
Jaji Ouko mwenye umri wa miaka 60 aliibuka miongoni mwa wagombeaji wengine akiwemo Jaji Said Juma Chitembwe, Jaji Marete Njagi, jaji Matthews Nduma, wakili Alice Yano, Jaji Sergon Joseph Kiplagat na Dk Nyaberi Lumumba.
Jaji Ouko alizaliwa mnamo 1961 katika Kaunti ya Siaya.
Alipata digrii ya Shahada ya Sheria kutoka Chuo Kikuu cha Nairobi mnamo 1986, Stashahada ya Uzamili kutoka Shule ya Sheria ya Kenya mnamo 1987 kabla ya kudahiliwa kwenye orodha ya Mawakili mwaka huo huo.
Mnamo 2016, alifuata na kuhitimu na Master of Arts in Criminology & Criminal Justice kutoka Chuo Kikuu cha Egerton.
Ouko ana jumla ya uzoefu wa miaka 33 katika taaluma ya sheria akiwa ametumikia katika nafasi zifuatazo:
1. Rais wa Mahakama ya Rufani, 2018 hadi leo
Aliteuliwa kama Jaji wa Mahakama ya Rufani mnamo 2012.
2. Aliteuliwa kama Jaji wa Mahakama Kuu mnamo 2004. Alihudumu Malindi, Meru na Nakuru (2004 - 2012).
3. Msajili, Mahakama Kuu ya Kenya (2002 -2004).
4.Msimamizi Mkuu wa Mahakama (1997 - 2002).
5. Naibu Msajili, Naibu Msajili Mwandamizi na Naibu Msajili Mkuu (1990 - 1997).
6. Hakimu wa Wilaya II (Mtaalamu) (1987 -1989).
7. Wakili wa Mbogholi Msagha na Mawakili wa Kampuni (1987)
0 Comments