𝐇𝐀𝐓𝐈𝐌𝐀𝐘𝐄 𝐒𝐈𝐊𝐔 𝐈𝐌𝐄𝐖𝐀𝐃𝐈𝐀, 𝐋𝐀𝐙𝐈𝐌𝐀 𝐓𝐔𝐖𝐀𝐏𝐈𝐆𝐄 𝐔𝐒𝐆𝐍
➪Kocha Mkuu wa Simba Pablo Franco amesema kila mchezaji anafahamu nini anapaswa kufanya leo katika mchezo wa kombe la Shirikisho dhidi ya USGN ambao utapigwa uwanja wa Benjamin Mkapa kuanzia saa nne usiku
➪Baada ya maandalizi ya takribani wiki nzima, leo Simba inaenda kukata mzizi wa fitina pale uwanja wa Benjamin Mkapa ikisaka ushindi muhimu dhidi ya USGN matokeo ambayo yatawahakikishia kutinga robo fainali ya michuano
➪Pablo amewataka mashabiki wa Simba kujitokeza kwa wingi uwanja wa Benjamin Mkapa leo wakiwa na imani ya kuibuka na ushindi mnono katika mchezo huo
➪Pablo amesema wamepata muda mzuri wa kufanya maandalizi, kila mchezaji yuko tayari kwa ajili ya mchezo huo ambao ameutaja kuwa muhimu sana katika maisha ya kisoka ya wachezaji wake
➪"Jambo zuri ni kuwa tulipata muda mrefu wa kufanya maandalizi, wachezaji wote ukiacha Hassan Dilunga ambaye ni majeruhi na Clatous Chama ambaye haruhusiwi kucheza kutokana na kanuni ila wengine wako tayari kwa kwa mchezo"
➪"Kundi letu bado lipo wazi na kila timu ina nafasi ya kutinga robo fainali hivyo tutacheza kwa tahadhari na kutumia vizuri nafasi tutakazopata"
➪"Huu ni mchezo muhimu sana kwetu lakini hata kwa mchezaji mmoja mmoja, matokeo ya ushindi yatatupa nafasi ya kutinga robo fainali, wachezaji watapata nafasi ya kushiriki ngazi ya juu ya mashindano hayo," alisema Pablo
➪Kwa hakika ni mchezo muhimu sana leo, inyeshe mvua, liwake jua usiku, USGN lazima wapigike hapo kwa Mkapa
CC; Dibahvansports

Post a Comment