AMKA NA BWANA LEO 08/02/2022

KESHA LA ASUBUHI 

JUMANNE, FEBRUARI 8 2022

TUNAWEZA KUWA NA UTII MKAMILIFU WA KRISTO

Kwa sababu kama kwa kuasi kwake mtu mmoja watu wengi waliingizwa katika hali ya wenye dhambi, kadhalika kwa kutii kwake mmoja watu wengi wameingizwa katika hali ya wenye haki. Warumi 5:19

▶️ [Maandiko yanasimulia] kisa cha muhimu sana kwa kila mwanadamu kukijua. Kwa upande mwingine kimewakilisha kutokutii kwa Adamu, na madhara yake; kwa upande mwingine, utii wa Yesu Kristo. Bustani ya Edeni ilitahayarishwa na kukosa kutii kwa Adamu; lakini kama kwa kosa hilo moja wengi walifanywa wenye dhambi, vivyo hivyo kwa utii wa Mmoja, wengi walifanywa wenye haki.

▶️ Ulimwengu umepata heshima kwa uwepo wa Mtu mmoja ambaye alikuwa mkamilifu na mtiifu kabisa-Mtu ambaye sio tu kwamba aliamini na kufundisha madai ya sheria ya Mungu, lakini aliyeishi sheria. Maisha Yake makamilifu yalikuwa ni udhihirisho wa kanuni zake takatifu. Utii wake ulidhihirishwa katika maumiv makali aliyostahimili katika Bustani ya Gethsemane; na kwa kupitia kuteseka Kwake alileta msamaha kwa wasiotii.

▶️ Wakati Yesu Kristo alipowapatia wanafunzi wake masharti ya wokovu, alisema, "Mtu yeyote akitaka kunifuata, na ajikane mwenyewe, ajitwike msalaba wake, na anifuate." Kujikana-nafsi na kubeba msalaba vinakaa moja kwa moja katika njia ya kila mtu ambaye atamfuata Yesu. Ukuaji wetu wa kimbingu utakuwa ukipingwa kila hatua; kwa kuwa Shetani atakuja kwa njia nyingi kutupotosha, kutudanganya, na kuifunika dhambi kwa mwonekano wa wema....

🔘 Napenda kukuhimiza .. kwa umakini uzingatie kujikana nafsi na kujitoa mhanga ambako Kristo alihimili kwa niaba yako, ili wewe, ikiwa utachagua, uweze kuwa na ile furaha na amani katika maisha haya ambayo Yeye peke yake anaweza kukupatia, na furaha ya milele baadaye. Kisha je, hauwezi kuwa mmishenari wa Kristo Yesu? Je! Hauko tayari kujikana nafsi kwa ajili Yake? Ukizingatia vile ambavyo unaweza kumfanyia huduma Yeye ambaye amekufanyia huduma hiyo katika kuikomboa nafsi yako kutoka katika nguvu ya dhambi na Shetani? Wakati akiwa duniani, Kristo alisema kuhusu Yeye mwenyewe, “Lakini mimi kati yenu ni kama atumikaye." Hakutamani kupata nafasi ya juu; kwa kuwa alikuwa mpole na mnyenyekevu wa moyo. Anakualika ujifunze kwake, uivae nira Yake nira ya utii kwa kila sheria ya Yehova.

MUNGU AKUBARIKI SANA

No comments