YERICKO NYERERE AMKOSOA MWIGULU NCHEMBA

Amesema anafikiri Waziri wa Uchumi Mwigulu Nchemba na wataalamu wenzake wameshindwa kufanya utafiti makini kujua sababu kuu ya Benki kuanguka huku soko la miamala ya mtandaoni likiimarika kwa kiwango kizuri. 

"Wao kwa uelewa wao wameaminishwa kwamba miamala ya kibenki imepungua kwakuwa tozo za benki zilikuwa kubwa, na njia sahihi wakaona ni bora kupunguza tozo hizo za benki"

"Hatua ya pili wakaona soko la miamala ya kimtandao limeimarika ambapo uchumi wa Tanzania kwa sehemu kubwa umeshikiliwa kwenye (Mpesa, Tigopesa, Halopesa, Airtel Money nk) hivyo ili kurudisha uhai wa bank wakaona bora wapandishe tozo huku mara mbili ya tozo za awali"

" Wakiamini watu watarudi kwenye bank. Hili ninkosa kubwa wamelifanya, hawakutaka kuumiza vichwa vya kujiridhisha ni uchumi wa aina gani hasa uko kwenye hii miamala ya kimtandao"

"Utafiti usio rasmi ni kuwa miamala ya simu inatumiwa na kundi kubwa la masikini katika nchi ambao vipato vyao ni chini ya mstari wa umasikini unaotambuliwa na Umoja wa Mataifa under poverty line wanaoishi chini ya dola 5.50 kwa siku"

"Utafiti usio rasmi unaonyesha kuwa kwa miaka mingi Mabenki ya Tanzania ni adui wa masikini na kwa Tz masikini ni 91.80% ndio wanaishi chini 5.50 na ndio wanamiliki uchumi na miamala ya simu"

"Leo Bibi yangu Mgulwa kule kijijini Maduma hawezi kwenda bank wala hana uwezi wa kumiliki account ya benki ili nimtumie 10,000 ya sukari badala yake nitalazimika kugonga kokoto huku Mbutu ili nipate 15,000 nimtumie Bibi yangu kwa Tigo Pesa"

Aidha, amesmea kwa miaka 15 hivi huduma hii ya miama ya kimtandao imekuwa mkombozi wa kundi hili la masikini. "Leo unawafungia huduma hii ili waende bank ambazo nyingi zimefunga matawi yake kutokana na utawala dharimu uliopita na sasa Benki hizo ziko Dar tu na huduma za kibenki zenyewe ni mbovu kupita maelezo"

"Unataraji ukuze uchumi au uangushe zaidi uchumi? Njia bora ilitakiwa Mabenki hayo yaingie kwenye ushindani na mitandao ya simu kwakubuni njia anuwai za kimasoko na si kutegemea mkono wa serikali iwabebe, biashara ni ushindani, serikali itafute vyanzo vingine vya mapato katika madini, misitu, uvuvi, bandari nk... Badala ya kuendelea kumnyonya huyu masikini wa chini" ---- YERICKO NYERERE