RAIS SAMIA SULUHU HASSAN KUCHANJWA

Serikali ya Jamhuri ya Muugano wa Tanzania ilijiunga na Mpango wabCOVAX Facility kwa ajili ya kupata chanjo dhidi ya ugonjwa wa UVIKO-19

tarehe 15 Juni 2021. 

Ikiwa ni takribani mwezi mmoja baada ya kujiunga na mpango huo, Serikali imepokea shehena ya kwanza ya chanjo dhidi ya ugonjwa wa UVIKO-19 siku ya tarehe 24 Julai, 2021 kiasi cha dozi 1,058,400 aina ya Janssen ambazo zimeingizwa na Serikali ya Tanzania kupitia mpango wa COVAX Facility.

Kufuatia chanjo hizo kupokelewa nchini, Mheshimiwa Samia Suluhu Hassan, Rais wa Jamhuri ya Muungano wa Tanzania anatarajiwa kufanya uzinduzi wa zoezi la uchanjaji. Uzinduzi huo utafanyika Ikulu Jijini Dar es Salaam tarehe 28 Julai, 2021 saa 3 asubuhi ambapo Mheshimiwa Rais atachanjwa. 

"Baada ya uzinduzi huo Wizara ya afya itaendelea na taratibu zingine za usambazaji wa chanjo hiyo na kutoa utaratibu wa utoaji wa chanjo

katika vituo vilivyoandaliwa katika Mikoa yetu"---- DOROTHY GWAJIMA

AIdha, Dkt. Dorothy amesema, uzinduzi wa zoezi la uchanjaji unaweka historia kwa taifa letu katika kuendeleza mapambano dhidi ya UVIKO-19 ikiwa ni nyongeza mahususi ya afua zinginezo za chanjo ikiwemo unawaji mikono kwa maji safi tiririka na sabuni, uvaaji wa barakoa katika maeneo hatarishi, ufanyaji wa mazoezi na

upataji wa lishe bora na matumizi ya tiba asili zilizosajiliwa na Baraza la Tiba Asili. 

"Utoaji wa chanjo ni moja ya afua muhimu na inayoaminika duniani kote katika kupambana na maradhi hususani ya kuambukiza ikiwemo ugonjwa wa UVIKO-19 hivyo watanzania tutumie fursa hii muhimu"

"Baada ya uzinduzi wa zoezi hili Serikali inatarajia kuendelea kupokea chanjo dhidi ya UVIKO-19 ili kuhakikisha watanzania wengi zaidi wanachanja"

"Wizara ya Afya Maendeleo ya Jamii Jinsia Wazee na Watoto inatoa pongezi na Shukrani za Dhati kwa Rais wa Jamhuri ya Muungano wa Tanzania,

Mheshimiwa Samia Suluhu Hassan kwa kuonesha mfano na kuongoza njia katika zoezi hili muhimu"

 

"Wizara inatoa wito kwa viongozi wengine wote

kuiga mfano huu na kuonesha njia kwa wananchi wote katika kupata huduma ya chanjo hii ya kujikinga na UVIKO 19 kwa hiari na bila malipo."---- Dkt. Dorothy Gwajima, Waziri wa Afya, Maendeleo ya jamii, jinsia, wazes na watoto.