AMKA NA BWANA LEO 13

*KESHA LA ASUBUHI.*

Jumanne, 13/07/2021.

*BARIKI.*

*Maana, ndugu, mnakumbuka taabu yetu na masumbufu yetu; kwa kuwa mchana na usiku tulifanya kazi tusije tukamlemea mtu wa kwenu awaye yote, tukawahubiri hivi Injili ya Mungu. 1 Wathesalonike 2:9.*

Ingawa Paulo alikuwa, mwanafunzi mwenye bidii, miguuni mwa Gamalieli, pia alijifunza ufundi. Alikuwa mtaalamu wa kutengeneza mahema. Ilikuwa ni desturi miongoni mwa Wayahudi, matabaka ya matajiri na vile vile watu masikini, kuwafundisha watoto wao wa kiume na wa kike utaalamu wa kazi fulani, ili kwamba ikiwa hali mbaya zingekuja, wasitegemee watu wengine, bali wawe na uwezo wa kielimu wa kujipatia mahitaji yao wenyewe. *Wanaweza kufundishwa katika mielekeo ya kisomi, lakini lazima pia wafundishwe ufundi fulani. Hii ilionekana kuwa sehemu ya lazima ya elimu yao.*

Ushuhuda wa Paulo na Akila ni kwamba kwa kazi yao walikuwa watengeneza mahema. Wakati ambapo walihubiri injili, Paulo na mwenzake walifanya kazi katika fani yao kama mafundi wa mahema, na kwa kufanya hivyo wangeweza kuwapa maarifa kamili zaidi ya Kristo kwa wale waliowasikia. *Walifanya bidii ili wapate kipato kwa ajili ya kutoa msaada*.

Huko Korintho yeye[Paulo] aliishi na kufanya kazi pamoja na Akila na Prisila, akiwafundisha kweli kwa namna bora kabisa. Mtume huyu maarufu hakuogopa wala kuonea haya kazi, na hakulichukulia somo hili kana kwamba kwa namna fulani lilikuwa likihafifisha kazi yake katika huduma.

Desturi ya kuwasaidia wanaume na wanawake katika kuwapa zawadi za kibinafsi au pesa za kanisa bila kufanya kazi huwasukuma zaidi katika tabia za dhambi, na njia hii inabidi iepukwe kwa uangalifu. *Kila mwanaume, mwanamke, na mtoto inabidi aelimishwe kufanya kazi ya vitendo, yenye manufaa. *Wote wanapaswa kujifunza ufundi fulani. Inaweza kuwa utengenezaji wa hema, au inaweza kuwa biashara katika shughuli zingine; lakini wote wanapaswa kuelimishwa kutumia viungo vya mwili wao kwa  kusudi fulani, na Mungu yuko tayari na anapendezwa kuongeza uwezo wa kubadilika wa wale wote ambao watajijengea tabia ya bidii ya kazi.*

*Ikiwa mtu mwenye afya njema ya kimwili ana mali, na wala hahitaji kuingia kazini kwa ajili ya kujikimu mwenyewe, anapaswa kufanya kazi ili kupata mali ili aweze kuendeleza kusudi na kazi ya Mungu. Anapaswa kuwa "si walegevu; mkiwa na juhudi katika roho zenu; mkimtumikia Bwana" (Warumi 12:11). Mungu atawabariki wote ambao watalinda mvuto wao kuhusiana na wengine kwa jinsi hii.*

*MUNGU ATUBARIKI SOTE WAPENDWA.*