AMKA NA BWANA LEO 11

KESHA LA ASUBUHI

Ijumaa 11/06/2021

*MAOMBI YENYE USTAHIMILIVU*

*Mwe na kiasi na kukesha,; kwa kuwa mshitaki wenu Ibilisi, kama simba angurumaye, huzunguka-zunguka, akitafuta mtu ammeze.* *1 Petro 5: 8*

*Tunapambana na mwovu mwenye hila! Kristo pekee ndiye mwenye nguvu na mwenye uwezo wote wa kupambana na nguvu zake, kwa hiyo tunapaswa tuwe na Yesu kila wakati*. Tumesinzia,tumekuwa wajinga na hatuwezi kuhisi ujanja, ulaghai na mitego ya Shetani, aliyoiweka kwa ajili ya miguu isiyo na uangalifu. *Kwa hiyo tunapaswa kujua jinsi tunavyopiga hatua, kwamba kila hatua iwe katika Mungu. Ubinafsi haupaswi kusikika kabisa hapa.* 

*Uharibifu wa roho ni kazi ya kawaida ya Shetani na mawakala wake duniani.* Ukombozi wa roho ni kazi ya kila mfuasi wa Kristo, hata akiwa dhaifu kwa jinsi gani. Maslahi binafsi ya mwanadamu yanapotangulizwa mbele na wokovu wa roho linapokuwa jambo la pili, ikiwa mtu huyo anafanya kazi upande wa Shetani, kwa unafiki wake dhahiri unakuwa mtego wa kuwaondoa wengine nje ya mstari, kiasi kwamba hawatajali ufalme wa Mungu na haki yake kwanza. 

Shetani anaanzia kwa wafanyakazi hao kwanza. Wokovu wa roho unapaswa kuwa kitu cha kwanza daima, maana Shetani kama simba angurumaye anazunguka zunguka akitafuta mtu ili ammeze. *Tunapaswa kuzinyakua roho kutoka katika njia yake. Tunapaswa kutazama kwa udhahiri, kuwa na utambuzi na imani na kufanya kazi kana kwamba tunaokoa maisha yanayoangamia, jambo ambalo kutojali katika njia yetu inaweza kuwa sababu ya kifo.* 

Kazi ya umishenari, Mungu atusaidie kuelewa ni nini hasa, na jinsi tunavyopaswa kushiriki. Kila mmishenari anapaswa kuwa wa Mungu kikamilifu, akisonga mbele ili apate ukamilifu wa tabia ya Kikristo. Kiwango cha utauwa kinapaswa kupandishwa juu zaidi. *Kila kitu cha sanamu kinapaswa kuachwa kabisa. Roho, roho za thamani zinapaswa kuokolewa.* 

*Mtu mmoja, wakati ambapo kanisa la Uskochi lilikuwa linafanya maamuzi kadhaa ili kuipuuzia imani na kuafikiana na kanuni zao walizozishikilia sana, alikuwa ameazimia kutoiacha imani hata kwa tone moja. Alikwenda kwenye magoti yake mbele za Mungu na akamsihi Mungu, “Nipatie Uskochi au nitakufa.” Ombi lake la dhati lilisikika. Hebu ombi la dhati kama hilo la imani lionekane kila mahali, nipatie roho zilizofukiwa hapa kwenye uchafu wa dhambi, au nife! Walete katika kweli kama ilivyo katika Yesu.*

*Tunapaswa kuchukua mzigo wa roho mioyoni mwetu, kila maslahi binafsi yanapaswa kupisha lengo hili. Gharama ya damu ya Yesu inaonesha thamani ya roho.*

*MUNGU ATUBARIKI TUNAPOTAFAKARI NENO LAKE*