Amka na Bwana

KESHA LA ASUBUHI

ALHAMISI, JANUARI, 21, 2021

SOMO: ANGAVU NA BORA KABISA. 

Na hata uzee wenu mimi ndiye, na hata wakati wenu wa mvi nitawachukueni; nimefanya, nami nitachukua; naam, nitachukuana kuokoa. 

Isaya 46:4. 

Nina shauku kwamba katika umri wetu wa uzee sisi ambao tumeijua kweli kwa muda mrefu tuwe wenye busara katika roho na katika mbinu zetu za kazi; kwamba tuelewa ukweli rahisi, lakini wa muhimu na mpana wa ujumbe wa malaika yule wa tatu; na kwamba tutapokea kweli hizi katika upendo wa Mungu, na kuwapatia wengine.... 

Kila siku mvae Kristo. Shikilia chanzo cha tumaini lako kwa uthabiti hadi mwisho. Bwana hajakuacha. Anatamani ukue katika neema, kuongezeka katika uwezo ili kuwasaidia watu. Lakini ili upate kuwavutia, ni sharti hasa uzungumze hoja bayana, na lazima utulie kabla hujafikiri kuwa umefikia nusu ya mazungumzo. 

Siwezi kumudu kufikiria kuwa yeyote miongoni mwa waumini wetu wazee, wanashuka katika mvuto na ufanisi. Bwana anataka ushirikiane naye katika kufanya yote mnayoweza kwa wenyewe. Ikiwa mtaungana na yeye kwa hiari katika kazi yake, siku zenu za mwisho zitakuwa angavu na bora sana.... 

Fungua madirisha ya moyo wako kuelekea mbinguni na kuyafunga kuelekea duniani. Ruhusu Jua la Haki liangaze katika vyumba vya akili. Kukuza upole na kujishusha kwa Kristo, kujivika nira yake na kubeba mizigo yake, hili ndilo somo lililo mbele yenu, na linawahusu ninyi pamoja na wale mtakaokutana nao. Kuza maadili ya mbinguni. Takasa moyo wako toka katika uchafu. Pata ubora wa kukubalika kama mmoja wa wanafamilia ya kifalme. 

Maelekezo toka katika Neno la Mungu, katikati hasa ya shughuli ya kujenga, yatafanya mioyo ya watendakazi itiwe utamu kwa neema, na yatawasaidia kukamilisha kazi zao. Kadiri Bwana anavyovuta akili zao, watapata mawazo ya thamani toka kwa kila mmoja wao. Malaika wa Mungu wapo katika mazingira yote. Hebu sasa watendakazi wazungumze maneno yatakayokuwa baraka kwa wale wanaowazunguka. Fanya sehemu yako, ndugu yangu, katika upendo wa ile kweli. Kuwa na imani katika Maandiko kama neno lililo hai la Mungu.