Amka na Bwana leo 20

KESHA LA ASUBUHI

Jumatano 20/01/2021

*MBINGU PEMBENI MWANGU*

*Taa ya mwili ni jicho; basi jicho lako likiwa safi, mwili wako wote unakuwa na nuru.* *Mathayo 6:22*

Kazi anayoifanya Shetani leo ni ile ya mdanganyifu na mshitaki. Bwana alimtangaza kuwa mshitaki wa ndugu usiku na mchana. Kutokana na uzoefu wake wa muda mrefu Shetani amekuwa mjuzi katika kazi yake ya kutafuta kasoro za watu, na atamfundisha kila mtu anayeweza kumtumia kuungana naye katika kazi hii. Wengi wamedanganywa naye, nao wanakwenda kwa upofu katika njia anazofungua Shetani. 

Mamlaka kuu ya dunia ni pepo mbaya. Kiti chake cha enzi kiko katikati ya dunia, ambapo ingepaswa kionekane kiti cha enzi cha Mungu. Amelelewa na kanisa, kwa kuwa kanisa limefuatisha namna ya dunia, na linaishi katika uasi wa sheria ya Mungu. 

*Kristo alijitoa kuwa fidia kwa mwanadamu kutoka katika mamlaka ya mwangamizi. Kwa kuwa mbeba dhambi alizivunja nguvu za Shetani.* Anasema, “Nitakuwa kiini cha ulimwengu uliokombolewa.” "Mawakala wote watakatifu," Mungu husema, “Nitawaweka katika kazi kuyapinga majeshi ya adui asiyeonekena, kuharibu nguvu yake. Uwakala wa milele wa Roho Mtakatifu utamwokoa mwanadamu toka katika athari za dhambi, na kurejesha ndani yake sura ya Mungu.” 

*Bwana hataruhusu mtoto wake wa thamani ambaye Kristo ni kichwa chake, kutekwa na adui bila kufanya juhudi zote kwa niaba yao*. Tumaini lao pekee ni kushika amri za Mungu. Hii ndiyo Injili ambayo imekuwa ikivuma kufikia katika zama zetu. 

*Kristo anatuma mwaliko kwa wote, “Njooni kwangu, ninyi nyote msumbukao na wenye kulemewa na mizigo, nami nitawapumzisha. Jitieni nira yangu, mjifunze kwangu; kwa kuwa mimi ni mpole na mnyenyekevu wa moyo; nanyi mtapata raha nafsini mwenu; kwa maana nira yangu ni laini, na mzigo wangu ni mwepesi.” (Mathayo 11:28—30). Kwa vizazi vingi huu mwaliko, Njooni, nyote msumbukao na wenye kulemewa na mizigo, umekuwa ukisikika kwa sauti ya wazi juu ya machafuko na taabu za dunia. Mungu hatamwachia mwanadamu kuziendea njia na matakwa yake mwenyewe, ili kupotea, pasipo jitiada za dhati za kumwokoa. Kusudi la huduma ya Kristo, kiwango cha rehema zake zinazofika mbali, na uweza wake, hazina mipaka.*

*MUNGU AKUBARIKI SANA MPENDWA*