Yesu wa Tongaren akataa kuzika maiti ya wafuasi wake na ataka kuongeza Agano la tatu katika biblia



yesu wa Tongaren kutoka Bungoma amewaacha wengi vinywa wazi kwa mara nyingine kwa kudai kuwa yeye hashiriki katika kuzika maiti.

Amedai kuwa waumini wake humuendea kutaka usaidizi wa kiroho wala si kwa kuombea maiti.

Jamaa wa Bungoma anayejiita Yesu akataa kuzika maiti ya wafuasi wake

yesu huyo ameeleza kuwa yeyote anayepatikana akihudhuria mazishi hutimuliwa kanisani. Picha: Enock Ndayala

''Mimi ni msaidizi wa kiroho na wito wangu ni kuwasaidia waliovunjika kiroho lakini si kuwazika wanapofariki,’’ aliambia TUKO.co.ke.

''Mungu aliniambia kuwa hatupaswi kuhudhuria mazishi hata kama ni familia yetu'' Yesu aliongezea.

Baba huyo wa watoto saba alieleza kuwa hakuna muumini wake yeyote anayeruhusiwa kugusa maiti wala kuhudhuria sherehe za mazishi hata ikiwa aliyefariki ni jamaa yako.

''Waumini wangu wanajua vizuri sana…. Wakihudhuria mazishi kisiri .. nitajua na mtu huyo atatimuliwa kanisani hadi wanapotakaswa.’’ Yesu alieleza.

Aidha, waumini wa Yesu huyo wamemuunga mkono wakieleza kuwa Mungu aliwaumba wanadamu kuishi na wala si kufa.

‘’ Nikifa, naweza nikazikwa ama mwili wangu kuachiwa wanyama. Lakini ikiwa lazima nizikwe, basi wacha kanisa na kasisi wafanye hilo lakini si Yesu wa Tongaren,’’ mmoja wa waumini wake sugu alisema.

Kwa makanisa mengine, ni jambo la kawaida kwa mazishi kufanywa na mapasta, suala ambalo Yesu huyu amelikataa.

Yesu huyo amedai kuwa atalizindua agano la tatu ya Biblia maana agano mbili za kwanza hazijakamilika