AMKA NA BWANA LEO 18/12/2021

MRUHUSU KRISTO AONGOZE 

Wakaja wanafunzi, wakamwambia, kwa nini unasema nao kwa mifano? Akajibu, akawaambia, Ninyi mmejaliwa kuzijua siri za ufalme wa mbinguni, bali wao hawakujaliwa. Mathayo 13:10, 11.

📖 Kristo aliwajalia wanafunzi wake kuelewa kile Alichohubiri kwa mifano na kuzificha kweli za msingi alizoziwasilisha kwa mifano ili watu ambao hawana ukweli wala kuupenda, ambao mioyo yao imepotoshwa na kuridhisha tabia na mielekeo yao wenyewe, wasiyatambue mafundisho Yake....

📖 Wasikilizaji wasiozaa matunda wanatajwa na Bwana wetu kama wenye mashaka, wa juujuu tu, au wa kidunia. Hawa hawawezi kutambua utukufu wa maadili ya ukweli au kufanyia kazi binafsi kwa vitendo katika mioyo yao. Wanapungukiwa na ile imani inayoushinda ulimwengu, na kwa matokeo halisi wanashindwa na ulimwengu....

📖 Ni muunganiko wa karibu na Mungu ambao unafungua na kufanya uelewa kuwa mkubwa na wa haraka. Wanadamu katika nyakati za Kristo walijiletea wenyewe upofu ambao wanaangalia lakini hawaoni na ukiziwi wa kupenda ambapo walisikiliza lakini hawakusikia, wala hawakuelewa. Yesu aliwaambia kuwa hakukuwa na sababu ya wao kustaajabishwa kwa kile alichokieleza kuhusiana na kutokuamini kwao, kwa kuwa isaya alishatabiri hivyo [Mathayo 13:13-15]....

📖 Baadhi ya watu wanaokiri kuiamini kweli katika wakati huu watakuwa katika nafasi sawa. Hawataelewa maajabu ya kazi ya Mungu ambayo kwa hiyo Mungu analithibitisha Neno Lake. Hawatatambua kuwa utendaji wa Roho wa Mungu unatokana na nguvu Zake, sio kwa sababu ushahidi si wakutosha, bali kwa sababu kupotoka na ufisadi wa mioyo yao haitasumbuka kwa uaminifu na kwa ukweli kupima shuhuda hizi kwa sababu dhambi za watu zimeifanya mioyo yao kuwa migumu na kufuatisha kwao mambo ya dunia kumeufunika uelewa wao wa mambo ya Uungu.... Hawako tayari kuongozwa katika haki ambayo itawaongoza katika mji wa Mungu....

🔘 Tumaini letu lote lazima liwekwe kwa Mungu. Ndipo atakapokuwa kwetu msaada wa karibu katika kila wakati wa uhitaji. Hebu na tumngoje Bwana huku tukifanyia mazoezi imani katika ahadi zake. Atatusikia. Amini tu. Nahodha wa wokovu wetu hatatuacha tuelekee katika upotevu wetu. Tutakuwa na msaada Wake na hekima Yake punde tu aonapo kuwa tunaihitaji. 

MUNGU AKUBARIKI SANA