AMKA NA BWANA LEO 17/12/2021

KUSHEREHEKEA KUZALIWA KWA YESU

Malaika wa Bwana akawatokea ghafla, utukufu wa Bwana ukawang'aria pande zote, wakaingiwa na hofu kuu. Malaika akawaambia, msiogope; kwa kuwa mimi ninawaletea habari njema ya furaha kuu itakayokuwa kwa watu wote. Luka 2:9, 10.

✍🏻 Desemba 25 imechukuliwa na dunia kwa muda mrefu kuwa kumbukumbu ya siku ya kuzaliwa kwa Yesu, na …..sio kusudi langu kuthibitisha au kuhoji usahihi wa kusherehekea tukio hili katika siku hii, lakini kuzingatia hali ya utotoni na maisha ya Mwokozi. Ni kusudi langu kuelekeza fikra za watoto katika hali ya unyenyekevu ambayo kwayo Mwokozi alikuja duniani.

✍🏻 Mbingu zote zilipendezwa katika tukio la kuja kwa Kristo duniani. Wajumbe wa mbinguni walikuja kuwajulisha wachungaji wanyenyekevu waliokuwa wakiangalia makundi yao wakati wa usiku katika uwazi wa Bethlehemu, kuzaliwa kwa aliyeahidiwa na kutegemewa kwa muda mrefu. Udhihirisho wa kwanza uliovuta utambuzi wa wachungaji katika kuzaliwa kwa Yesu, ulikuwa ni nuru ing'aayo katika nyota za mbinguni, zilizowajaza kustaajabu na kuimba sifa.... Wachungaji waliostaajabishwa walishindwa kuelewa ujumbe wa pekee waliopewa na malaika, na wakati ile nuru ing'aayo ilipotoweka, wakasemezana wao kwa wao, "Haya na twendeni mpaka Bethlehemu, tukalione hilo lililofanyika, alilotujulisha Bwana. Wakaenda kwa haraka wakamkuta Mariamu na Yusufu, na yule mtoto mchanga amelala horini. Walipomwona wakatoa habari waliyoambiwa kuhusu yule mtoto" (Luka 2:15-17)

🔘 Upendo usio kifani jinsi gani Kristo alioudhihirisha kwa ulimwengu ulioanguka! Kama malaika waliimba kwa sababu Mwokozi alizaliwa Bethlehemu, je! Mioyo yetu haitaitikia mwangwi wa mchujo wa furaha, Mungu atukuzwe mbinguni juu, na duniani iwe amani, na mapenzi mema kwa wanadamu? Ingawaje hatujui siku halisi ya kuzaliwa Kristo, ila yatupasa kuenzi kuzaliwa kwake. Bwana na aepushie mbali kwamba mtu awaye yote asijekuwa na akili finyu kupuuzia kipindi hicho kwa sababu tu ya kutokuwa na uhakika kuhusu siku hasa alipozaliwa. Hebu na tufanye lile tuwezalo kuimarisha akili za watoto kuhusu mambo ambayo ni ya thamani kwa kila mtu anayempenda Yesu. Hebu na tuwafundishe jinsi ambavyo Yesu alikuja duniani kuleta tumaini, faraja, amani na furaha kwa wote.... Hebu mioyo ya watu wote iitikie kwa furaha zaidi kwa zawadi isiyokadirika ya Mwana wa Mungu.

MUNGU AKUBARIKI SANA