AMKA NA BWANA LEO 15/12/2021

*NIRA ZINAZOTENGENEZWA NA MWANADAMU*

*Maana kama vile mwili ni mmoja, na una viungo vingi, na viungo vyote vya mwili ule, navyo ni vingi, ni mwili mmoja; vivyo hivyo na Kristo.* *1 Wakorinto 12:12*

Punde mwaka unaoisha, na mzigo wa kumbukumbu yake, utatoweka milele, na mwaka mpya utakuwa umeanza. Hebu na tuzikusanye pamoja hazina za mwaka uliopita, na twende pamoja na kumbukumbu za wema na rehema za Mungu katika mwaka mpya. Hebu na tuyang'arishe maisha yetu ya baadaye kwa mawazo ya baraka zilizopita.

*"Utimizeni wokovu wenu wenyewe kwa kuogopa na kutetemeka. Kwa maana ndiye Mungu atendaye kazi ndani yenu, kutaka kwenu na kutenda kwenu, kwa kulitimiza kusudi lake jema" (Wafilipi 2:12,13).* Inatulazimu kushirikiana na Bwana Yesu. Ni kwa kufanya hivyo tu ndipo tutaweza kukamilisha sehemu ya kazi yetu. Tunapaswa kushikilia yote tuyapatayo kupitia Kristo.

Kuna faida na fursa za pekee sana kwa wale wanaovaa nira ya Kristo! Taabu zetu hutujia kwa sababu tunajitengenezea nira zetu wenyewe, na kukataa kuivaa nira ya Kristo. *Yeye ndiye uwezo wetu. Atatupatia nguvu. Sehemu yetu ni kukita miguu yetu imara kwenye jukwaa la ukweli wa milele; kisha tutajua kuwa juu yetu kuna ulinzi wa Mungu.*

*"Basi tukiisha kuhesabiwa haki itokayo katika Imani, na mwe na Amani kwa Mungu, kwa njia ya Bwana wetu Yesu Kristo" (Warumi 5:1).* Kuhesabiwa haki inamaanisha kusamehewa. *Kwa wale ambao Mungu huwahesabia haki huwafunika kwa haki ya Kristo, kwa kuwa Mwokozi amezibeba dhambi zetu. Tunasimama mbele ya kiti cha enzi cha Mungu tumehesabiwa haki na kutakaswa. *Tumeondolewa ubinafsi, na, kwa kupitia kwa utakaso wa kweli, Kristo anaishi ndani ya mioyo yetu.* Tunajaribiwa na kutahiniwa. Bwana wa mbinguni na atufungie ndani pamoja Naye, ili mwovu asiweze kutushinda.

*Kristo ndiye Mtenda kazi Mkuu. Nasi tu watenda kazi pamoja na Yeye. Anayo haki ya kumpatia kila mmoja kazi yake. Hebu kila mmoja na-ahakikishe anaifanya kazi aliyokabidhiwa. Hebu na tuifanye kazi ambayo Bwana ameiweka katika akili zetu kwa uaminifu. Yeye ambaye anaipuuza kazi yake dhahiri kwa ajili ya kufanya kazi ambayo mtu mwingine anapaswa kuifanya amepoteza dira. Muda unapita, imani imetumiwa vibaya na kutingishwa, na kazi imezuiliwa. Tunapojifunza kwa ukaribu kuifanya kazi yetu ya pekee, Bwana atatusaidia, na kila sehemu ya kazi yake itaendelea vyema.*

*MUNGU ATUBARIKI TUNAPOTAFAKARI NENO LAKE*