AMKA NA BWANA LEO 13/12/2021

KESHA LA ASUBUHI 

Jumatatu 13/12/2021

*UKUU WA UNYENYEKEVU*

*Kwa kuwa mtu atakaye kuiponya nafsi yake ataiangamiza, na mtu atakayeiangamiza nafsi yake kwa ajili yangu ndiye atakayeisalimisha.* *Luka 9:24*

*Kristo aliwapatia wanafunzi wake somo muhimu mno kuhusiana na ni akina nani wanaweza kuwa wanafunzi wake. “Katika ufalme ambao nitauanzisha hivi punde,” alisema, "mashindano ya kutaka kuwa mkuu hayatakuwa na nafasi. Ninyi nyote ni ndugu*. Watumishi wangu wote pale watakuwa sawa. Ukuu pekee unaotambuliwa pale utakuwa ni ukuu wa unyenyekevu na kujitoa kuwatumikia wengine. Kila ajidhiliye atakwezwa, na kila ajikwezaye atashushwa. *Yeye atafutaye kuwatumikia wengine kwa kujikana nafsi na kujitoa mhanga atapewa sifa ya tabia ya kukubalika kwa Mungu, na kujenga hekima, uvumilivu wa kweli, utu wema, fadhili, huruma.* Hii inampatia nafasi ya juu zaidi katika ufalme wa Mungu".

*Mwana wa Mungu alijinyenyekesha mwenyewe na kuwa mtumishi wa Mungu. Alijinyenyekesha hadi chini na kujikana nafsi, naam hata ili kutoa uhuru na uhai na sehemu katika ufalme Wake kwa wale wanaomwamini.* Aliutoa uhai wake kuwa fidia ya wengi. Hili linatosha kuwafanya wale ambao bado wanaendelea kutafuta kuwa wa kwanza na kuhangaika kuwa wakuu, waaibike kwa mwenendo wao.

 *"Mtu yeyote akitaka kunifuata *," Yesu alisema, na ajikane mwenyewe, na ajitwike msalaba wake kila siku, anifuate" (Luka 9:23)*. Huu ndio uthibitisho wa uwanafunzi. *Kama washiriki wa kanisa wangekuwa watendaji wa neno, kama walivyoapa wenyewe wakati walipopokea ubatizo, wangewapenda ndugu zao, na wangekuwa wakiendelea kuutafuta umoja na mapatano.*

 Wale wanaomwamini Kristo na kutembea na Yeye kwa upole, wale wanaotafuta kuona kile wanachoweza kufanya kusaidia na kubariki na kuzitia nguvu roho za wengine, wakishirikiana na malaika ambao wanawahudumia wale watakao kuwa warithi wa ukombozi. *Yesu anawapatia neema, na hekima, na haki, akiwafanya kuwa mbaraka kwa wale wote ambao watakutana nao.*

 *Jinsi wanavyozidi kuwa wanyenyekevu, ndivyo wanavyozidi kupokea mibaraka kutoka kwa Mungu, kwa sababu kupokea hakuwafanyi wao kujikweza. Wanatumia vizuri mibaraka yao, kwa kuwa wanapokea na kutoa. Malaika watoa huduma hupokea maagizo kutoka katika kiti cha enzi cha Mungu kwa kushirikiana na vyombo vya kibinadamu. Wanapokea neema ya Kristo, ili kuwapatia wanadamu.*

*MUNGU ATUBARIKI TUNAPOTAFAKARI NENO LAKE*

TANGAZA KWENYE APPLICATION YETU KWA GHARAMA NAFUU, TUPIGIE 0621663340