AMKA NA BWANA LEO 10/12/2021

MIOYO ILIZOJAZWA NA AMANI YA KTISTO 

Wote wawe na umoja; kama wewe Baba, ulivyo ndani yangu, nami ndani yako; hao nao wawe ndani yetu, ili ulimwengu upate kusadiki ya kwamba wewe ndiwe uliyenituma. Yohana 17:21.

📚 Kama Kristo alivyokuja ulimwenguni kutafuta na kuokoa roho zinazoangamia, ili wawe na nuru ya ukweli, vivyo hivyo ameikabidhi kazi hiyo kwa wote wanaompokea kuwa Mwokozi wao. "Na kwa ajili yao najiweka wakfu mwenyewe, ili na hao watakaswe katika kweli" (Yohana 17:19).

📚 Ni muhimu sana kwamba tukitwe mizizi na msingi wetu katika ukweli. Hakuna uongo ambao ni wa kweli. Bwana Yesu ameahidi kwamba, kama tukimpokea kwa imani na kumwamini kama mfano wetu, atatupatia "nguvu kufanyika wana wa Mungu." Injili ya Yesu Kristo ina kanuni kuu za ukweli wote, zilizodhihirishwa katika maisha ya usafi. Katika upendo na haki ya ukweli kanuni hizi zinapaswa kuhubiriwa kwa ulimwengu. Katika shughuli zetu zote sisi kwa sisi tunapaswa kutii maagizo ya sheria ya Mungu. "Na kwa ajili yao najiweka wakfu mwenyewe, ili na hao watakaswe katika kweli. Wala si hao tu ninaowaombea; lakini na wale watakaoniamini kwa sababu ya neno lao" (Fungu la 19,20).

📚 Kutoka kwa maneno haya tunaona ni kiasi gani kinategemewa katika tabia ya wale wote wanaodai kuiamini injili ya Yesu Kristo. Kwa maisha ya wafuasi wa Kristo ulimwengu utaamua juu ya Mwokozi. Kama mtu yeyote, kwa maneno au matendo, ataacha kanuni hai za ukweli, anamkosea heshima Mwokozi wake na kumweka Kristo katika aibu ya wazi.

🔘 Hebu kila roho imwamini Kristo, na kupokea nguvu ile ambayo Kristo aliahidi, ili awe mwana wa Mungu, aishike kweli kwa uaminifu, kanuni zake ziunganishwe na maneno yake, roho yake, na kazi zake zote. Kwa hivyo Wakristo watakuwa na nguvu isafishayo, itakasayo, wakifanya kazi dhidi ya dini ya uongo na ukafiri. Uwepo wao unaleta ushawishi mkuu wa kanuni za mbinguni, zikiwafanya kuwa heshima kwa injili, kupitia Kristo. Wanapata kuwa na nguvu za kuwasilisha neema itakasayo ya mbinguni, huku wakizidi kuendelea kuwa na ushawishi kupitia ukuaji wa heshima yao katika kweli. Mioyo yao imejazwa na Amani ya Kristo.

MUNGU AKUBARIKI SANA, maandalizi mema ya Sabato.