AMKA NA BWANA LEO 29

*KESHA LA ASUBUHI.*

Jumapili, 29/08/2021.

*BUSARA YA KIKRISTO.*

Kwa kuwa Bwana MUNGU asema hivi; Mji uliotoka nje wenye watu elfu, utasaziwa watu mia, na mji uliotoka wenye watu mia, utasaziwa watu kumi, kwa nyumba ya Israeli.        *Amosi 5:3.* 

▶️Tahadhari inapaswa kuchukuliwa kwa maombi na kila mtu anayeuamini ukweli. Kuna matukio ya kujaribu mbele yetu, na inatubidi kuchukua tahadhari kubwa, huku tukiutunza mlango wa midomo yetu wakati waovu wanapokuwa mbele yetu. Itabidi tukutane katika uzoefu wetu na watu wenye ari iliyokithiri ambao watawachochea wale wanaochukia ukweli na itakuwa muhimu kudumisha hali ya utulivu na sio kusema yote tunayoyajua, kwa kuwa fikra zitafanywa katika akili za wanadamu ambazo, chini ya uwezo wa Shetani, zitakua kufikia viwango vikubwa.

▶️Kuna haja ya kukesha na kuomba. Uovu ambao tutakutana nao muda mrefu umekuwa ukijikusanya na kama dhoruba, utawajia wengi wakati hawautarajii kabisa. Ingawa hawawezi kushutumiwa kwa kuusababisha uovu huo, waliuhimiza. Mashitaka yatatolewa ambayo waumini hawawezi kukanusha, kwa sababu hawakuonesha hekima katika matumizi ya kalamu na sauti.

▶️Sheria nyingi zinatungwa kwa serikali za mataifa, zilizokusudiwa kukandamiza; na sheria za zamani ambazo kiutendaji hazifai tena, zitafufuliwa. Tunapaswa kusonga mbele katika kazi yetu kwa ufahamu na kwa imani, chini ya ustadi wenye hekima wa usimamizi wa Yesu Kristo. Kazi kubwa inapaswa kutendwa kwa ajili ya Bwana katika kutangaza ujumbe wa mwisho wa rehema kwa ulimwengu wetu, na tunategemea mamlaka na wenye madaraka katika kupata njia kutoka mwisho mmoja wa ulimwengu hadi mwingine, na maadamu tunawategemea wenye  mamlaka, hatupaswi kujitenga kutoka kwao, kwa sababu huu ni ujumbe wa ulimwengu wote.

▶️ Tunapaswa kwenda mbele kimyakimya, na njia yetu inapofungwa katika mwelekeo mmoja hatupaswi kuwalaumu wenye mamlaka, kwani kwa kufanya hivyo tunazifundisha mamlaka zingine jinsi ya kufanya ili kukinga njia yetu. Hatupaswi kuchochea nguvu za upinzani au kuchochea ulipizaji wa kisasi. Kilele kitakuja hivi karibuni sana. Tayari kinakuja kama mwizi usiku. Na tunaweza kusema ukweli wa Biblia ambao hautaweka mivuto inayopingana kazini.

*MUNGU AKUBARIKI SANA.*