MISS TANZANIA ROSE MANFERE ASEMA HANA TAARIFA

Baada ya taarifa kuhusu Miss Tanzania 2020/2021 (Rose Manfere) kutotangazwa kuwania Mashindano ya Miss World na badala yake kupewa nafasi Miss Tanzania alieshika nafasi ya pili "Juliana Luhumisa" kuzidi kusambaa kupitia mitandao ya kijamii, Hatimae Rose Manfere aamua kutoa neno juu ya habari hiyo.

Kupitia ukurasa wake wa Instagram, Miss Rose Manfere ameamua kupakia picha ya maneno ikiwa na ujumbe uliandikwa kama ifuatavyo:-
"Nimeona kupitia mitandao kwamba mshindi namba mbili wa Miss Tanzania atawakilisha nchi kwenye mashindano ya Miss World. Mimi kama Miss Tanzania 2020/21 sina taarifa rasmi. Jambo lipo BASATA tusubiri taarifa, maamuzi na muongozo wa Baraza.!".

Ikumbukwe yakwamba utovu wa nidhamu Kati ya Miss Rose kwa waandaaji wa Mashindano ya Miss Tanzania ni sababu inayosemekana kusababisha Miss huyo kushindwa kuliwakilisha taji la taifa kwenye Mashindano hayo. Miss World 2021 inatarajiwa kufanyika December 16,2021 huko Puerto Rico.