HALMSHAURI KUTENGA FEDHA KUSOMESHA SOMO LA MICHEZO

Naibu Waziri Mhe. Pauline Gekul azigiza Halmashauri na Wilaya zote nchini kutenga fedha kwa ajili ya kusomesha wataalam wa michezo.

 Amezitaka Halmashauri na Wilaya zote nchini kuwa na Klabu za Riadha.

"Nazishukuru Halmashauri zote zilizotoa ruhusa kwa watumishi wake kusomea michezo katika chuo hiki, na niombe tena halmashauri zingine zote zihakikishe kuwa katika shule zao na maeneo yao yote yanakuwa na wataalamu wa michezo hii ni pamoja na kutoa ruhusa kwa wanaotaka kusoma michezo kupata nafasi hizo aidha kutenga fedha kwa ajili ya kuwasomesha kwa kuzingatia kuwa watatumika katika maeneo yao kwenye kuendeleza michezo" amesisitiza Mhe.Gekul.

Aidha, Mhe. Gekul ametoa pongezi kwa kazi nzuri ya ufundishaji na uimarishaji unaofanyika chuoni hapo ambapo amesisitiza Uongozi wa Chuo hicho kuendelea kusimamia shughuli mbalimbali zikiwemo za ujenzi wa miundombinu kwa weledi na ushirikiano

Naye Mkuu wa Wilaya ya Kwimb Mhe.Johari Samizi amewataka wahitimu na wanachi kuendelea kwa kuchukua tahadhari ya Uviko 19 kwa kufuata taratibu zote za afya kama wataalamu wa afya wanavyoshauri.

Naye Mkurugenzi Msaidizi wa Michezo Addo Komba amewasisitiza wahitimu hao 

kuendeleza klabu za riadha kuunga mkono jitihada za Mhe. Rais za kuanzisha jogging klab nchi nzima.

Mkuu wa Chuo hicho Richard Mganga ameishukuru Serikali kwa kukipatia chuo fedha za maendeleo ambazo zinatumika katika maendeleo huku akisema kuwa

Chuo cha Malya ni pahala pekee barani Afrika ambapo panatolewa mafunzo ya michezo yote, hii ni bahati ya pekee kwa Watanzania kuwa na chuo hiki kwa hiyo wazazi ni vizuri kuitumia fursa hiyo. 

Nao baadhi ya Wahitimu wamesema mafunzo waliyopata katika chuo hicho yamewawezesha kujua sekta hiyo vyema na kupata nafasi mbalimbali ikiwemo kuchezesha michezo mmm