HALMASHAURI YA TANGANYIKA, KATAVI KUPATA BILIONI 10

Halmashauri ya Wilaya ya Tanganyika, Katavi inategemea kupata shilingi bilioni 10 kwa kutunza misitu ya Tongwe Magharibi na Tongwe mashariki yenye ukubwa hekta 532,920 baada ya kuongia makubaliano ya kuuza hewa ya ukaaa na kampuni ya Cabon Tanzania ili kuboresha mapato ya Halmashauri.

Mkurugenzi wa Halmashauri ya Tanganyika ndugu Rumuli Rojas John, alisema hayo mbele ya Waziri wa Nchi Ofisi ya Rais Tamisem (OR-TAMISEMI) Mhe. Ummy Mwalimu (Mb) alipotembekea Halmashauri hiyo kukagua miradi ya maendeleo.

“Mheshimiwa waziri Halmashauri katika makubaliano haya inategemea kupata kiasi cha shilingi bilioni kumi (10 bilioni) kama mapato ya ndani. Kiasi hiki ni kikubwa kitasaidia kupeleka huduma muhimu wanazungukwa na misitu,”alisema Rumuli.

Mradi wa uhifadhi misitu pia umelenga kuhifadhi mazingira(misitu) ku Linda na kuhifadhi Bioanuai zote muhimu Nz zilizohatarini kutoweka Duniani kama Sokwe mtu, kutunza vyanzo vya maji na kuleta maendeleo endelevu kwa jamii husika, alieleza Rumuli.

Kupitia Mradi wa hewa ya ukaa wanachi wa vijiji nane(8) vya tarafa ya Mwese, Tanganyika wanafaidika na mradi huo baada ya kupokea shilingi bilioni moja na milioni miatatu (1.3 million) kupitia Cabon Tanzania kwa kutunza misitu yao yenye ukubwa wa hekta 223,000.

Waziri wa Nchi OR-TAMISEMI Mhe. Ummy Mwalimu (Mb), alifurahishwa sana na kushangazwa na ubunifu wa miradi hiyo ya utunzaji misitu na kuwaletea kipato wananchi.

“ Niwapongeze sana Halmashauri ya Tanganyika kwa kutafuta wawekezaji, kuwekeza katika hifadhi na utunzaji wa misitu. Niwapongeze pia wananchi wa vijiji nane, kwa kazi kubwa mnayoifa ya kulinda misitu ambayo mwekezaji Cabon Tanzania anasema kwa kadiri mnavyoendelea kutunza, ndivyo mtakapolipwa zaidi, “ alisema Ummy.

Aidha waziri Ummy aliwapongeza Cabon Tanzania kwa kuwekeza katika mradi huo ambao aliuelezea kuwa ni wa aina yake unaoweza kuigwa Halmashauri nyingine.

“Huu ubunifu mimi sijaiona katika Halmashauri nyingine, kama leo Mme we za kupokea bilioni moja na milioni mia moja kwa kuhifadhi na kutunza misitu, basi tunaweza pata fedha nyingi sana,” alisema Ummy.