RAPHAEL DAUDI LOTH ATUA IHEFU FC

JEMBE LA YANGA LATUA IHEFU

KIUNGO wa zamani wa Klabu ya soka ya Yanga na Mbeya City, Raphael Daudi Loth  amekamilisha usajiri wake wakujiunga na klabu ya Ihefu ya Mbeya, na muda wowote kutoka sasa anatarajiwa kutambulishwa rasmi.

Loth alijiunga na Yanga juni 30, mwaka 2017 na kuichezea mpaka msimu uliopita wa 2019/20 kabla ya kuachwa mwanzoni mwa msimu huu.

Nyota huyo alijiunga Yanga sambamba na Mcameroon Youth Rostande kutoka African Lyon, Ramadhani Kabwili kutoka timu B, beki abdallah Haji kutoka Taifa Jang'ombe, viungo Pius Buswita kutoka Mbao FC, Pappy Kabamba Tshishimbi, Mkongo kutoka Mbabane Swallows ya Swaziland, na mshambuliaji Ibrahim Ajib kutoka Simba SC.

Loth pia alikuwemo kwenye kikosi cha Taifa Stars kilichocheza michuano ya COCAFA Castle na kutwaa medali ya shada baada ya ushindi wa penalti 4 - 2 July 7, mwaka 2017 dhidi ya Lesotho kufuatia sare ya 0 - 0 ndani ya dakika 90 Uwanja wa Moruleng mjini Rusternburg.

#BinagoUPDATES