amka na Bwana

KESHA LA ASUBUHI

JUMATANO, JULAI 29, 2020

*TEMBEA KATIKA NJIA YA WATU WEMA* 

 *Ili upate kwenda katika njia ya watu wema, Na kuyashika mapito ya wenye haki.* 

Mithali 2:20

📃Kuna aina za maburudiko ambazo zina faida sana kwa akili pamoja na mwili. Akili iliyoelimika, yenye busara itapata njia yingi za burudani na pumziko, kutoka katika vyanzo ambavyo sio tu visivyo na ubaya, lakini pia vyenye kufundisha. Mapumziko katika sehemu ya nje, kutafakari kazi za Mungu katika ulimwengu, kutaleta faida ya juu kabisa. 

📃  Huku tukitafuta kuburudisha roho zetu na kutia nguvu miili yetu, tunatakiwa na Mungu daima kutumia nguvu zetu zote kwa kusudi bora. Tunaweza kushirikiana pamoja kama tunavyofanya hapa leo, [Kutoka katika hotuba iliyotolewa kwenye mkutano wa burudani katika Ziwa la Goguac, Michigan.] na kutenda yote kwa ajili ya utukufu wa Mungu. 

 📃 Tunaweza na tunapaswa kufanya maburudiko yetu kwa jinsi ile ambayo itatuandaa kwa ajili ya kuweza kutekeleza kwa ufanisi zaidi majukumu yanayotuhusu, na kwamba mvuto wetu utakuwa na faida zaidi kwa wale tunaoshirikiana nao. Hasa itakapokuwa mfano wa tukio kama hili, ambalo linapaswa kutuchangamsha sisi sote. Tunaweza kurudi majumbani mwetu tukiwa tumeboreshwa katika akili na kupata nguvu mpya katika mwili, na kuwa tayari kushughulika upya katika kazi, tukiwa na tumaini na ujasiri bora. 

📃 Tunaamini kwamba ni fursa yetu kila siku ya maisha yetu kumtukuza Mungu duniani; kwamba hatupaswi kuishi katika ulimwengu huu kwa ajili ya starehe zetu tu, kwa ajili tu ya kujipendezesha sisi wenyewe. Tuko hapa kwa ajili ya kuifaidisha jamii ya kibinadamu, kwa ajili ya kuwa baraka kwa jamii.... 

🧫 *Hapa tunaona uzuri wa asili.... Tunapoona kazi hizi za asili tunapaswa kuruhusu akili kupelekwa juu zaidi, hadi kwa Mungu wa asili; hebu na iinuliwe hadi kwa Muumbaji wa ulimwengu, na kisha imwabudu Muumba ambaye ndiye aliyefanya vitu vizuri vyote hivi kwa ajili ya faida na furaha yetu. Lazima tuwe na vipindi vya mapumziko, vipindi vya burudani, Vipindi vya tafakari.*

Usisahau ku subscribe YouTube channel yetu ya BinagoTv