Mchungaji Deya achepuka na kudai ni sababu ya Ugonjwa

Mchungaji mwenye utata Gilbert Deya ambaye anaishi nchini Uingereza amefichua kuhusu maisha yake ya ndoa ambayo kwa sasa yamekumbwa na matatizo si haba.

Deya ambaye amejitetea na kusema kwamba hana hatia, amemnyoshea kidole cha lawama mkewe Mary Deya kwa masaibu ambayo yamemkumba ikiwemo kuhukumiwa.Deya ambaye amejitetea na kusema kwamba hana hatia, amemnyoshea kidole cha lawama mkewe Mary Deya kwa masaibu ambayo yamemkumba ikiwemo kuhukumiwa. Picha: Daily Nation Source: Twitter

Akizungumza na The Standard, mchungaji huyo alifichua kwamba alilazimika kutafuta mapenzi nje ya ndoa akiwa nchini Uingereza kwa kuwa yeye na mkewe hawakuwa wakiishi pamoja.

"Nimeishi Uingereza kwa miaka 15, na kama mwanadamu ambaye nina hisia nililazimika kutafuta wanawake wengine ili kukata kiu kwa kuwa nilihofia kupata maradhi ya saratani ya kibofu," Deya alidokeza.Mchungaji huyo mwenye umri wa miaka 66 pia alimshutumu mkewe na kudai kwamba alichovya asali nje ya ndoa na kupelekea kujifungua mtoto katika hospitali ya rufaa ya Kenyatta (KNH).

Hata hivyo, alisema kwamba hamlaumu mkewe kwa kuenda nje ya ndoa kwani yeye aliishi nje ya nchi ya miaka 15, jambo ambalo liliathiri ndoa yao.

Mchungaji huyo aidha alitalakiana na mkewe ambaye alimuoa akiwa na miaka 22 huku mkewe huyo akiwa na miaka 14, kwa madai kwamba hawajakuwa wakiishi pamoja kwa muda mrefu na kwamba mkewe hakuwa mwaminifu.Deya aliachiliwa kwa dhamana ya KSh 10 milioni mnamo Agosti 8,2017 baada ya kutumikia kifungo cha miezi 10 katika gereza la Kamiti.

Deya alishtakiwa kwa wizi wa watoto watano kwa muda wa miaka mitano katika mtaa wa Moutain View jijini Nairobi.

Alipinga madai ya kuhusika katika wizi wa watoto akisema kwamba wakati wa kisa hicho, yeye alikuwa nchini London na hivyo basi wa kulaumiwa ni mkewe ambaye alikuwa jijini Nairobi.