MAKONDA KUTEMBELEA MIRADI YA CCM-MWANZA
Katibu wa Halmashauri Kuu ya CCM Taifa, Itikadi, Uenezi na Mafunzo Ndg. Paul Makonda , ametembelea Mradi wa Ujenzi wa CCM wa nyumba 6 (full furnished appartiments) ambapo kati yake 4 ni za chini na 2 za ghorofa moja moja uliyopo jirani na Ikulu ndogo ya Jijini Mwanza.
Mradi huo hadi kukamilika kwake utagharimu kiasi cha Tsh Milion 687 ambapo vyanzo vya fedha ni mapato ya ndani ya CCM Mkoa, Wanachama , Wadau na Wapenzi wa Chama Cha Mapinduzi na hadi sasa ujenzi umefikia asilimia 41%.
Katibu Makonda akiwa hapo, ameahidi kuleta lifti kwaajli ya kuwekwa kwenye Jengo la Ofisi ya CCM Mkoa wa Mwanza yenye ghorofa 5.
Aidha, Mwenezi Makonda amesema kwakuwa yeye ni Mwenyekiti na RC Makalla ni Mhasibu katika ujenzi huo, hivyo wataandaa hafla ya chakula cha pamoja ambapo kupitia kadi za mwaliko katika hafla hiyo utawekwa wito wa kuchangia ujenzi wa kumalizia nyumba mradi huo.
Angalia mechi live kupitia App ya Binago TV na pia Tangaza nasi kwa gharama nafuu


Post a Comment