AMKA NA BWANA LEO 20/11/2021

KESHA LA ASUBUHI 

JUMAMOSI, NOVEMBA 20, 2021

*KUONJA MBINGU*

_Na yeye aketiye juu ya kile kiti cha enzi akasema, Tazama, nayafanya yote kuwa mapya. Akaniambia, Andika ya kwamba maneno hayo ni amini na kweli. Ufunuo 21:5_

✍️ Katika mkutano wa asubuhi ya leo (mkutano uliofanyikia Battle Creek, Michigan), tulikuwa tukisikiliza shuhuda zilizotolewa hapa, na wimbo wa mwisho ulipoimbwa – “Ni lini tutakutana, kukutana pasipo kutengana tena?” – Nilikuwa karibu kujisahau. Akili yangu ilivuka ng’ambo upande wa pili wa pwani, hadi wakati ambapo kutakuwa na mkutano mkubwa katika mji wa Mungu kando kando ya kiti kikubwa cha enzi cheupe, na waliokombolewa watakuwa wakiimba pale nyimbo za mafanikio na ushindi, na za sifa kwa Mungu na kwa Mwanakondoo. Ni kweli kabisa, shuhuda zile ziliniletea hisia kali na tamu. Zililainisha moyo wangu, na sikuweza kuzuia machozi kutiririka. Ndiyo, furaha kubwa kiasi gani tutakaposimama kando kando ya kiti cha enzi, tukiwa katika mavazi meupe ya haki ya Kristo, Hakuna huzuni tena, hakuna kutengana tena, bali kuishi kwa amani kuishi kwa furaha, na kuishi katika utukufu kwa zama zote na umilele zote. Jamii yenye furaha, furaha kubwa kiasi gani.

✍️ Sasa hebu tufikirie fursa kama hiyo hiyo hapa. Tunapotafakari juu ya kafara isiyo kifani ya Mwokozi wetu ambayo kwayo tunaweza kuwa watoto wa Mungu kuwa sehemu ya familia ya kifalme, tunapofikiria juu ya kuinuliwa huku, tunapofikiria kuwa hizi fursa zote zitakuwa zetu kila siku, kuwa tunaweza kuwa na fursa ambazo ni za watoto na binti za Mungu, ni kwa jinsi gani yeyote anaweza kutamka hata neno moja la manung’uniko? Manung’uniko yanawezaje kukaa ndani ya mioyo yetu?

✍️ Tungepaswa kuwa watu wa shukurani kuliko wengine wote katika uso wa dunia. Furaha yetu inategemea imani yetu kwa Mungu – uhakika kwa Mungu. Na tunapofikiria juu ya tumaini tulilonalo, juu ya imani tuliyonayo, kwamba inafika hadi ulimwengu mwingine; tunapojua kuwa itaendelea kuwepo katika zama zote milele na milele – ninapenda kujua jinsi unavyojisikia kuhusiana na miito hii ambayo imewasilishwa kwenu usiku huu?

🔘 *Kama kuna kitu chochote ambacho naweza kukitoa, nitakitoa. Lakini kuna watu wengi ambao wako tayari kutoa mali zao, lakini wao wenyewe hawajitoi. Kwanini hatupati watu wengi zaidi wanaojitolea kufanya kazi hii?*

*MUNGU AKUBARIKI SANA*