AMKA NA BWANA LEO 18/11/2021

*KESHA LA ASUBUHI*

Alhamisi 18/11/2021

*MUNGU ANAPENDA UZURI*

_Lakini mambo yote na yatendeke kwa uzuri na kwa utaratibu. Wakorintho 14:40._

Mungu hatukuzwi na wale ambao amewaita kutoka gizani na kuwaleta katika nuru yake ya ajabu walio wachafu, wasiojali na wazembe. Tunawajibika kuiga Mfano wa mbinguni kwa kadiri katika masuala ya utaratibu usafi, na ikiwa mbinguni panavutia na kupendeza, ninataka mazingira ya nyumbani kwangu yavutie katika usahili na utaratibu wake. Inatupasa kukumbuka kuwa ukamilifu, usafi, na utaratibu vinapaswa kuwepo miongoni mwa wale wanaompenda na wanaomcha Mungu, kwa kuwa katika jambo hili tunadhihirisha imani yetu.

Tunawafundisha watazamaji jambo fulani. Mshikamano wetu na Mungu utaongeza zaidi shauku yetu ya kuwa wasafi katika nyumba zetu na mazingira yetu. Miti ya matunda, miti ya mapambo, na matunda yaliyolimwa kuzunguka makazi yetu, hulipa kwa njia nyingi zaidi ya moja.

Bwana anapenda uzuri, kwani ameumba miti mirefu, nyasi, vichaka vizuri, maua laini, na vyote hivi vina mvuto unaolainisha, kutiisha kwa mtazamaji, na, fahamu zao zinavyoburudishwa, zinavutwa bila kupenda kutoka vitu vya asili hadi kwa Mungu wa vitu vya asili. Ikiwa Bwana anatujali kiasi cha kutuonesha upendo Wake kwa kutupatia aina mbalimbali za maua mazuri yanayokua katika uzuri wake wa asili, je, hatupaswi kumshukuru? Je, hatutafanya kama Yesu alivyosema, "Na mavazi, ya nini kuyasumbukia? Fikirini maua ya mashamba, jinsi yameavyo; hayafanyi kazi, wala hayasokoti nami nawaambia, ya kwamba hata Sulemani katika fahari yake yote hakuvikwa vizuri kama mojawapo la hayo" (Mathayo 6:28,29). Hapa Bwana anatofautisha kati ya vitu vya asili na visivyokuwa vya asili....

Ninatumia pesa kwa busara ili niweze kuweka vitu vya Mungu vya thamani mbele ya macho yangu na pia ili niweze kuwa na vitu vinavyodumisha afya katika makazi yangu. Nafanya hivyo ili wote waone kuwa, kwa sababu ya imani yetu, hatupendi kuwa wachafu, wavivu, wasiojali, na wasio na mpangilio....

*Hebu utambue kuwa, kwa kuwa unaamini Bwana anakuja, unajiandaa kwa ajili ya mbingu safi na takatifu kwa kuwa msafi, mtanashati, na mtakatifu hapa. Ndipo utajisikia vizuri ukiitwa kuingia katika majumba huko juu. Bwana anasema nini kupitia mtume aliyevuviwa? "Bali ninyi ni mzao mteule, ukuhani wa kifalme, taifa takatifu, watu wa milki ya Mungu, mpate kuzitangaza fadhili zake yeye aliyewaita mtoke gizani mkaingie katika nuru yake ya ajabu” (1 Petro 2:9).*

*MUNGU AKUBARIKI SANA UNPOTAFAKARI NENO LAKE*